پێشەوا هەورامانی: سەرۆکوەزیران مەسرور بارزانی سەرپەرشتی ئەم قۆناغە نوێیەی هەرێمی کوردستان دەکات

ئاڤا نیوز

 

پێشەوا هەورامانی، وتەبێژی حکومەتی هەرێمی کوردستان لەبارەی واژۆکردنی دوو گرێبەستە 110 ملیار دۆلارییەکانی نێوان هەرێمی کوردستان و ئەمریکا دەڵێت، "هەرێمی کوردستان پێی خستۆتە قۆناغێکی نوێ، سەرۆکوەزیران مەسرور بارزانیش سەرکردایەتی ئەم قۆناغە نوێیە دەکات."

 

وێنە گەورەکە: لەمیانی سەردانەکەی بۆ واشنتن، سەرۆکوەزیران مەسرور بارزانی سەرپەرشتی دوو گرێبەستی 110 ملیار دۆلاری بواری وزەی لەنێوان ئەمریکا و هەرێمی کوردستان کرد، پاشانیش دەیان کۆبوونەوەی دیپلۆماسی و گرنگی لەگەڵ ژمارەیەک کۆنگرێسمانی ئەمریکا ئەنجامدا، هەموویان پشتیووانی ئەمریکایان بۆ هەرێمی کوردستان دووپاتکردەوە.

 

لێدوانی فەرمی:  پێشەوا هەورامانی، وتەبێژی هەرێمی کوردستان ڕایگەیاند، هەرێمی کوردستان پێی خستۆتە قۆناغێکی نوێ، سەرۆکوەزیران مەسرور بارزانی سەرکردایەتی ئەم قۆناغە نوێیە دەکات لە تێپەڕاندنی پەیوەندیی سیاسی و سەربازی لەگەڵ ئەمەریکا.

 

چی ڕوویدا: سەرۆکوەزیران مەسرور بارزانی لەگەڵ مارکۆ ڕوبیۆ، وەزیری دەرەوەی ئەمریکا لە کۆبووەوە. پاش کۆبوونەوەکەش سەرۆکوەزیران مەسرور بارزانی ڕایگەیاند، کۆبوونەوەیەکی سەرکەوتوومان لەگەڵ وەزیری دەرەوەی ئەمریکا هەبوو، دیدگای هەرێمی کوردستانمان گەیاندە ئەمریکا.

 

وتەبێژی حکومەتی هەرێمی کوردستان دەڵێت، "لەم قۆناغە تازەیەدا وەبەرهێنان و ئابووری و وزە لەسەر مێزی گفتوگۆی سەرۆکوەزیرانن لەگەڵ بەرپرسانی باڵای ئەمەریکا". بەگوتەی هەورامانی، "دەمێکە مافی هەرێمی کوردستان لە فایلەکانی وەزارەتی دەرەوەی ئەمەریکا بوونی هەیە، ئێستاش بابەتی وزە و وەبەرهێنان لە وزە، مەنەفێستی هەموو پەیوەندییەکان دەکاتەوە لەگەڵ وەزارەتی دەرەوەی ئەمەریکا.

 

باکگراوند: ڕۆژی دووشەممە، ڕێککەوتی 2025-05-19، بە سەرپەرشتی سەرۆکوەزیران مەسرور بارزانی، وەزارەتی سامانە سروشتییەکانی کوردستان و کۆمپانیاکانی 'ئێچ کەی ئینێرجی' و 'وێسترن زاگرۆس'ـی ئەمریکی، دوو گرێبەستیان لە بواری نەوت و وزە واژۆ کرد.