مەسرور بارزانی: کۆبوونەوەیەکی زۆر باش و بەسوودمان لەگەڵ مارکۆ ڕۆبیۆ هەبوو

ئاڤا نیوز

دوای کۆتاییهاتنی کۆبوونەوەی لەگەڵ مارکۆ ڕۆبیۆ، وەزیری دەرەوەی ئەمریکا، سەرۆکوەزیران مەسرور بارزانی لە کۆنگرەیەکی ڕۆژنامەوانی ڕایگەیاند، دڵخۆشین کە ئەمریکا پشتیوانییەکی زۆرمان دەکات و داوامان لە مارکۆ ڕۆبیۆ کردووە سەردانی کوردستان بکات. هاتنی بۆ کوردستان بۆ خۆی دەمێنێتەوە

وێنە گەورەکە: ماوەی نزیکەی هەفتەیەکە سەرۆکوەزیرانی کوردستان لە ئەمریکایە و زیاتر لە 20 کۆبوونەوەی لەگەڵ وەزیر و کۆنگرێسمانانی ئەمریکا کردووە، ئەمە جگە لە دوو گرێبەستی گەورەی 110 ملیار دۆلاری بۆ بواری وزە. ئێوارەی ئەمڕۆش لەگەڵ مارکۆ ڕۆبیۆ، وەزیری دەرەوەی ئەمریکا کۆ بووەوە.

لێدوانی فەرمی: لە کۆنگرەیەکی ڕۆژنامەوانیدا سەرۆکوەزیران مەسرور بارزانی ڕایگەیاند، کۆبوونەوەیەکی سەرکەوتوومان لەگەڵ وەزیری دەرەوەی ئەمریکا هەبوو، دیدگای هەرێمی کوردستانمان گەیاندە ئەمریکا.

زانیاریی زیاتر: سەرۆکوەزیران مەسرور بارزانی گوتیشی، پشتیوانییەکی زۆر لە ئەمریکاوە بۆ کوردستان هەیە، وە داوامان لە مارکۆ ڕوبیۆ کردووە سەردانی هەرێمی کوردستان بکات.

لەبارەی کردنەوەی گەورەترین کونسوڵخانەی ئەمریکا لە شاری هەولێر، سەرۆکوەزیران مەسرور بارزانی گوتی، کردنەوەی کۆنسوڵخانەی ئەمریکا ڕەنگدانەوەیەکی ئەرێنی لەسەر کوردستان دەبێت.