ڕووسیا پرۆژەیەک بۆ کۆتاییپێهێنانی جەنگ پێشکەش بە ئۆکراینا دەکات

ئاڤا نیوز

وەزارەتی دەرەوەی ڕووسیا ڕایدەگەیەنێت لەم هەفتەیەدا بە شێوەیەکی فەرمی مەرجەکانی کۆتاییپێهێنانی جەنگ ڕادەستی کیێڤ دەکات.

وێنە گەورەکە: هەوڵەکانی دۆناڵد ترەمپ، سەرۆکی ئەمریکا لە پێناو کۆتاییپێهێنانی جەنگی نێوان ڕووسیا و ئۆکراینا بەرەو ئەنجامێکی ئەرێنی هەنگاو دەنێت، ئەمڕۆ بە نێوەندگیری ئەمریکا و تورکیا قۆناغی یەکەمی ئاڵوگۆڕی دیلەکان لە نێوان مۆسکۆ و کیێڤ ئەنجامدرا و لە بەرامبەر ئازادکردنی 307 سەربازی بەدیلگیراوی ئۆکراینی، 307 سەربازی بەدیلگیراوی ڕووسی لە لایەن کیێڤەوە ئازاد کرا، بە پێی ڕێککەوتنی ئەستەنبووڵ هەردوو دەوڵەت 1000 سەربازی بەدیلگیراو ئاڵوگۆڕ دەکەن.

لێدوانی فەرمی: سێرگی لاڤرۆڤ، وەزیری دەرەوەی ڕووسیا ڕایگەیاند: دوای کۆتایهاتنی قۆناغی یەکەمی ئاڵوگۆڕی دیلەکان پرۆژەیەک پێشکەش بە کیێڤ دەکەین، لە پرۆژەکەدا هەموو مەرجەکانی کۆتاییپێهێنانی جەنگ و شێوازی جێبەجێکردنیان لە خۆدەگرێت، مەرجەکان گشتگیر و دوورمەودان گەر جێبەجێ بکرێن جەنگ بە شێوەیەکی هەمیشەیی کۆتایی دێت.

باکگراوند: جەنگی نێوان ڕووسیا و ئۆکراینا لە 24-2-2022 دەستیپێکرد و ئەمڕۆ 24-5-2025 تەمەنی جەنگەکە دەبێت بە سێ ساڵ و سێ مانگ.