نێچیرڤان بارزانی لەگەڵ شاندێکی ئەنجوومەنی پیرانی ئەمریکا کۆبووەوە

ئاڤا نیوز

ئێواره‌ى ئه‌مڕۆ شه‌ممه‌ 2025-05-24، نێچیرڤان بارزانی، سەرۆکی هەرێمی کوردستان پێشوازيى له‌ هه‌ردوو ئه‌ندامى ئه‌نجوومه‌نى پيرانى ئه‌مه‌ريكا ئەنگه‌س کینگ، سيناتۆرى سەربەخۆ لە ویلایەتی مەین و جەیمس لانکفۆرد، سیناتۆرى کۆماری لە ویلایەتی ئۆکلاهۆما و شانديكى ياوه‌ريان كرد.

ڕاگەریێنراوی فەرمی: سەرۆکایەتیی هەرێمی کوردستان ڕایگەیاند: لە كۆبوونه‌وه‌يه‌كدا بره‌ودان به‌ پەیوەندییەکانى عێراق و هەرێمی کوردستان له‌گه‌ڵ ئەمه‌ریکا و هاريكاريى هاوبه‌شيان به‌تايبه‌تى لە بواری به‌ره‌نگاربوونه‌وه‌ى تیرۆردا، په‌يوه‌ندييه‌كانى هه‌ولێر ـ به‌غدا، هه‌روه‌ها دۆخى عێراق و هه‌رێمى كوردستانيان تاوتوێ كرد و ده‌رباره‌ى دۆخی سووریا و پێشهاته‌كانى ناوچه‌كه‌، بيروڕايان گۆڕييه‌وه.‌

زانیاریی زیاتر: لە کۆبوونەوەکەدا نێچيرڤان بارزانى، سوپاس و پێزانینی بۆ پشتگیریی بەردەوامى ئه‌مه‌ريكا له‌ عێراق و هەرێمی کوردستان، به‌تایبه‌تی پشتگیریی کۆنگرێسی له‌ پرۆسه‌ی چاکسازیی وه‌زاره‌تی پێشمه‌رگه‌ ده‌ربڕى، ئاماژەی بە گرنگيی پەرەپێدانی هاوکاريی نێوانيان لە بوارە جياكاندا کرده‌وه‌. به‌تايبه‌تى باسى له‌ ده‌رفه‌تى كار و وه‌به‌رهێنانى ئه‌مه‌ريكى له‌ عێراق و هه‌رێمى كوردستان كرد.

لەلایەکی دیکەوە: شاندى ميوان وێڕاى ستايشى پێشكه‌وتنه‌كانى هه‌رێمى كوردستان، ئاماژه‌یان به‌وه‌ كرد كه‌ ئه‌مه‌ريكا به‌ بايه‌خێكى زۆر و وه‌ك هاوپه‌يمانێك له‌ عێراق و هه‌رێمى كوردستان ده‌ڕوانێت. له‌مباره‌يه‌وه‌ جه‌ختيان له‌ به‌رده‌واميى پابه‌نديى ئه‌مه‌ريكا بۆ پشتگيرى له‌ عێراق و هه‌رێمى كوردستان كرده‌وه.‌

گۆشەیەکی دیکەی دیمەکەنە: له‌ ته‌وه‌رێكى ديكه‌ى كۆبوونه‌وه‌كه‌دا که‌ کونسوڵی گشتیی ئه‌مه‌ریکا له‌ هه‌رێمی کوردستان ئاماده‌ی بوو، هه‌ردوولا هاوڕا بوون له‌سه‌ر گرنگيى چاره‌سه‌ركردنى كێشه‌كانى هه‌ولێر ـ به‌غدا به‌ گفتوگۆ و لێكگه‌یيشتن، هه‌روه‌ها داكۆکييان له‌ پاراستنى ئارامى و سه‌قامگيری لە ناوچه‌كه‌ كرده‌وه‌.