‌هێرشەکانی ڕووسیا بۆ سەر ئۆکراینا بەردەوامن

ئاڤا نیوز

 

هێرشەکانی ڕووسیا بۆ سەر ئۆکراینا تادێت زیاتر دەبێت و لە کۆتا بۆردوومانیشدا هەشت کەسی ئۆکراینی کوژراون. 
 

زانیاریی بەدەستهاتوو: کاربەدەستانی ئۆکراینا ڕایانگەیاند، تەنها لە ماوەی شەوێکدا بەهۆی هێرشەکانی ڕووسیاوە هەشت کەس کوژران و زیاتر لە 30 کەسیش برینداربوون. 

 

ئەوەی لەبارەیەوە دەگوترێت: لە ناوچەی خمێلنیتسکی ڕۆژئاوای ئۆکراینا، چوار کەس کوژران لە ناوچەی کیێڤ سێ کەس، یەکێکیش لە باشووری شاری میکۆلایڤ.

 

کاریگەری و لێکەوتەکان: ئەم پێشهاتە لە کاتێکدایە، ئۆکرانیا و ڕووسیا هەریەکەیان 390 سەرباز و مەدەنییان ڕادەست کرد لە گەورەترین ئاڵوگۆڕی دیلەکان لەماوەی دەستپێکردنی شەڕی نێوان هەردوولا.

 

لەلایەکی دیکەوە: لای خۆیەوە وەزارەتی بەرگری ڕووسیا ڕایگەیاند، بەرگری ئاسمانی وڵاتەکە لە ماوەی چوار کاتژمێردا 95 فڕۆکەی بێفڕۆکەوانی ئۆکراینایان خستووەتە خوارەوە.