نوێنەری ترەمپ بۆ سووریا نەخشەڕێگایەک دەداتە ئەحمەد شەرع

ئاڤا نیوز

 

نوێنەری تایبەتی دۆناڵد ترەمپ، سەرۆکی ئەمریکا بۆ کاروباری سووریا نەخشەڕێگایەک پێشکەش بە ئەحمەد شەرع، سەرۆکی کاتیی سووریا دەکات.

 

وێنە گەورەکە: لەمیانی سەردانەکەی بۆ ڕۆژهەڵاتی ناوەڕاست، دۆناڵد ترەمپ، سەرۆکی ئەمریکا، لە سعودیەوە بڕیاریدا سزاکانی سەر سووریا هەڵبگرێت، دواتریش هەر لە سعودیە ڕێککەوتی 14ـی 5ـی 2025 لەگەڵ ئەحمەد شەرع، سەرۆکی سووریا بۆ قۆناغی ڕاگوزەر کۆبووە، بەگوێرەی زانیاریی میدیاکانیش لە کۆبوونەوەکەیاندا کە محەممەد بن سەلمان ئامادەی بوو و ئەردۆغانیش بە تەلەفۆن بەشداریکرد، ترەمپ چەند مەرج و داواکارییەکی ئاراستەی سەرۆکی سووریا کرد.

 

لێدوانی فەرمی: تۆماس باراک، نوێنەری تایبەتی دۆناڵد ترەمپ بۆ سووریا ڕایگەیاند، لە ئیستەنبووڵ لەگەڵ ئەحمەد شەرع، سەرۆککۆماری سووریا بۆ قۆناغی ڕاگوزەر کۆبوونەوەی کردووە و نەخشەڕێگایەکی پێشکەشکردووە، لە کۆبوونەوەکەدا هەنگاوەکانی دوورخستنەوەی چەکدارە بیانییەکان و ئاساییکردنەوەی پەیوەندییەکان کە بەشێک بوون لەو نەخشەڕێگایە، گفتووگۆیان لەبارەوە کراوە.

 

زانیاریی زیاتر: ئەحمەد شەرع، سەرۆککۆماری سووریا داوای لە نێردراوی دۆناڵد ترەمپ کردووە پرۆسەی هەڵگرتنی سزاکانی سەر سووریا خێراتر بکرێت و هاوکار بن لە دووبارە بوونیادنانەوەی ژێرخانی ئابووریی سووریا.