نرخی کارەبای مۆلیدەی سیتییەکان لە سلێمانی دیاری دەکرێت

ئاڤا نیوز

 

نرخی کارەبای مۆلیدەی سیتییەکان لە سلێمانی دیاری دەکرێت و هەر کەسێک پابەند نەبێت ئەوا ڕووبەڕووی یاسا دەکرێتەوە.

 

چیرۆکی سەرەکی: ئەمڕۆ يەكشەممە 25-5-2025، لیژنەی باڵای دیاریکردنی نرخی کارەباى کۆمەڵگەکانى نیشتەجێبوون (سیتییەکان) کۆبوونەوەیەکی ساز کرد، تێیدا نرخی کیلۆواتی کارەبای مۆلیدەی بۆ مانگی پێنج دیاریکرد، کە بریتییە لە 245 دینار بۆ هەر کیلۆواتێک.

 

ئەوەی پێویستە بیزانیت: بەگوێرەی نرخی گازوایل لە بازاڕ و ئەو توێژینەوەیەی بۆ خەرجی مۆلیدەی ستییەکان ئامادەکراوە، نرخی یەک کیلۆوات کارەباى مۆلیدەى کۆمەڵگەکانی نیشتەجێبوون بۆ ئەم مانگە بریتییە لە 245 دینار. هاوكات بۆ ئەو سیتییانەی تاكە سەرچاوەی كارەبایان مۆلیدەیە و كارەبای نیشتمانیان نییە، نرخی كیلۆواتیان 229 دینارە.

 

زانیاریی زیاتر: پێویستە سەرجەم کۆمەڵگەکانی نیشتەجێبوون لە سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن ئەوا ڕووبەڕووی ڕێکاری یاسایی دەکرێنەوە.