تۆم باراک: دەسەڵاتدارانی سوریا یارمەتی واشنتن دەدەن بۆ دۆزینەوەی ئەمریکییە ونبووەکان

ئاڤا نیوز

تۆم باراک، نوێنەری ئەمریکا لە دیمەشق لە ڕاگەیێنراوێکدا کە دوای ماوەیەکی کەم لە هەڵگرتنی سزا ئابوورییەکانی واشنتن و کردنەوەی لاپەڕەیەکی نوێ لە پەیوەندییەکانیدا، ڕایگەیاند، دەسەڵاتدارانی سوریا بەڵێنیان داوە هاوکاری واشنتن بکەن لە گەڕان بەدوای ئەو ئەمریکییانەی لە سوریا بێسەروشوێنن.

لێدوانی فەرمی: باراک لە ئێکس ڕایگەیاند، دەسەڵاتدارانی سووریا ئامادەیی خۆیان نیشانداوە بۆ ئەوەی هاوکاری ئەمریکا بکەن بۆ دیاریکردنی شوێنی هاووڵاتییە ئەمریکییەکان کە بێ سەروشوێنن، یاخود دۆزینەوەی ڕووفاتەکانیان، بۆ ئەوەی بیانگەڕێننەوە بۆ وڵاتەکەی خۆیان.

لەلایەکی دیکەوە: پێشتر دۆناڵد ترەمپ، سەرۆکی ئەمریکا ئاماژەی بەوەداوە، گەڕانەوەی هاووڵاتییە ئەمریکییەکان یاخود ڕووفاتەکانیان بە ڕێزەوە بۆ وڵاتەکانیان لەپێشینەی کارەکانی ئەمریکایە. "دەسەڵاتدارانی سووریای نوێ لەم پرسەدا هاوکارمان دەبن".

ئەوەی پێویستە بیزانیت: ئەو هاووڵاتییە ئەمریکییانە لە ساڵانی 2011 بۆ 2013 لە سووریا لەلایەن داعشەوە بێ سەروشوێن کراون. بەگوێرەی ڕوانگەی سووری، گفتوگۆ لە نێوان حکومەتی سووریا و ئەمریکا کراوە، تاوەکو ئێستا ئەمریکا ناوی 11 کەسی پێداون کە سوورین، بەڵام خاوەنی ڕەگەزنامەی ئەمریکین.