نزیکەی چوار هەزار کۆمپانیای بیانی لە کوردستان کار دەکەن

ئاڤا نیوز

سێ هەزار و 661 کۆمپانیای بیانی لە سێکتەرە جیاوازەکاندا لە هەرێمی کوردستان کار دەکەن، ئەمەش کاریگەریی ڕاستەوخۆ لەسەر فرەچەشنکردنی سەرچاوەکانی داهات و هەلی کار دروست دەکات.

وێنە گەورەکە: بۆ گەشەپێدان و بووژانەوەی زیاتری ئابووریی هەرێمی کوردستان، حکومەت دەرفەتی زیاتری داوەتە وەبەرهێنەر و هاووڵاتییە بیانییەکان تاوەکو بێنە کوردستان و وەبەرهێنان بکەن، لەم چوارچێوەیەشدا لە پێدانی ڤیزا و نشینگە ئاسانکارییان بۆ دەکات.

لێدوانی فەرمی: بڵند محەممەد، بەڕێوەبەری گشتیی تۆمارکردنی کۆمپانیاکان بە ئاڤای ڕاگەیاند: لە سەرانسەری هەرێمی کوردستان سێ هەزار و 661 کۆمپانیای بیانی لە تەواوی سێکتەرەکاندا کار و وەبەرهێنان دەکەن.

ئەوەی پێویستە بیزانیت: بە پێی دوایین داتای تۆمارکردنی کۆمپانیاکان لە کوردستان، دیارترین ئەو وڵاتانەی لە کوردستان وەبەرهێنان دەکەن ئەمانەن:

تورکیا: هەزار و 612 کۆمپانیا.
ئێران: 394 کۆمپانیا.
ئیمارات:  233 کۆمپانیا.
لوبنان: 195 کۆمپانیا.
بەریتانیا: 189 کۆمپانیا.
ئەمریکا: 166 کۆمپانیا.
ئەڵمانیا: 74 کۆمپانیا.
ڕۆمانیا: 65 کۆمپانیا.
کوەیت: 34 کۆمپانیا.
هۆلەندا: 29 کۆمپانیا.
میسر: 27 کۆمپانیا.
کەنەدا: 25 کۆمپانیا.
سووریا: 18 کۆمپانیا.
بولگاریا: 12 کۆمپانیا.
بەحرەین: 13 کۆمپانیا.
ڕووسیا: 13 کۆمپانیا.
سوید: 14 کۆمپانیا.
سویسرا: 12 کۆمپانیا.
فەرەنسا: 12 کۆمپانیا.
ئیسپانیا: 15 کۆمپانیا.
هیندستان: 10 کۆمپانیا.
وڵاتانی دیکە: 499 کۆمپانیا.