ئەڵمانیا: ڤلادیمێر پووتین بەردەوامی جەنگی دەوێت و دەبێت سزا بدرێت

ئاڤا نیوز

وەزیری دەرەوەی ئەڵمانیا بە تووندی هێرش دەکاتە سەر ڤلادیمێر پووتین و بە کەسێکی شەڕانگێز و داگیرکەر ناوی دەبات و داوای سزادانی دەکات.

وێنە گەورەکە: هەوڵی ئۆکراینا بۆ کوشتنتی ڤلادیمێر پووتین، سەرۆکی ڕووسیا لە کاتی سەردانیدا بۆ شاری کورسکی هاوسنووری ئۆکراینا لە ڕێگەی هێرشکردنە سەر هەلیکۆپتەری تایبەتی،  ڕووسیای توڕە کردووە و ماوەی دوو ڕۆژە بە بەردەوامی هێرش دەکاتە سەر کیێڤی پایتەخت و شارە سەرەکیەکانی ئۆکراینا.

لێدوانی فەرمی: یۆهان وەدێفوڵ، وەزیری دەرەوەی ئەڵمانیا سەبارەت بە هێرشەکانی ڕووسیا بۆ سەر کیێڤ ڕایگەیاند: ڤلادیمێر پووتین بە هیچ شێوەیەک ئاشتی ناوێت، ئەو بەردەوامی جەنگی دەوێت و ئێمەش نابێت ڕێگەی پێبدەین، دەبێت یەکێتی ئەوروپا بە زووترین کات کۆببێتەوە و تووندترین سزا بە سەر ڕووسیا و ڤلادیمێر پووتنی سەرۆکدا بسەپێنین.

لەلایەکی دیکەوە: دۆناڵد ترەمپ، سەرۆکی ئەمریکا لە پلاتفۆرمی تروس سۆشیال، ڤلادیمێر پووتینی بە کەسێکی شێت ناوبرد و ڕایگەیاند: "نازانم ئەو چی دەکات، چ نەفرەتیەکی بەسەرهاتووە، ئەو شێت بووە، هێرش دەکاتە سەر شارەکان و خەڵک دەکوژێت."

زانیاریی زیاتر: لە ماوەی دوو رۆژی ڕابردوودا ڕووسیا گەورەترین هێرشی ئاسمانی بۆ سەر کیێڤ و ئۆکراینا ئەنجامدا و سەدان درۆن و موشەکی لە هێرشەکاندا بە کارهێنا، بەرپرسانی ئۆکراینا کوژران و برینداربوونی زیاد لە 20 کەسیان ڕاگەیاندووە.