ڕۆیتەرز: حەماس بە پێشنیازەکەی ئەمریکا لەبارەی ئاگربەستی غەززە ڕازی بوو

ئاڤا نیوز

 

بەرپرسێکی فەلەستینی بە ڕۆیتەرزی ڕاگەیاندووە کە بزووتنەوەی حەماس پێشنیازەکەی ستیڤ ویتکۆڤ، نێردەی دۆناڵد ترەمپی بۆ ڕاگەیاندنی ئاگربەست پەسەند کردووە.

وێنە گەورەکە: دوای دەستپێکردنی گەڕێکی دیکەی دانوستاندنە ناڕاستەوخۆکانی نێوان ئیسرائیل و حەماس بە نێوەندگیری وڵاتانی میسر و قەتەر بە پشتگیری ئەمریکا، ڕۆژی شەممە یەکەم کۆبوونەوە بەڕێوەچوو، دۆناڵد ترەمپ، سەرۆکی ئەمریکا لەو بارەیەوە ڕایگەیاند، چاوەڕوانی ئەنجامی ئەرێنی لەم گەڕەی دانوستاندنەکان دەکەن و پێویستە بە زووترین کات کۆتایی بەشەر بێت. 

 

بڵاوکراوەی فەرمی: بەگوێرەی زانیارییەکانی ئاژانسی هەواڵی ڕۆیتەرز کە لەزاری بەرپرسێکی فەلەستینەوە بڵاویکردووەتەوە، حەماس بە پیشنیارەکەی ستیڤ ویتکۆڤ، نێردەی تایبەتی سەرۆکی ئەمریکا بۆ ڕۆژهەڵاتی ناوەڕاست ڕازی بووە بۆ ئەوەی لە زووترین کاتدا ڕێککەوتننامەی ئاشتی بێتە ئاراوە. 

 

ئەوەی پێویستە بیزانیت: پێشنیارەی نێردەی تایبەتی سەرۆکی ئەمریکا ئەم خاڵانەی خوارەوە لەخۆ دەگرێت:- 

 

- ڕاگەیاندنی ئاگربەستێکی 70 ڕۆژە.
- کشاندنەوەی هێزەکانی ئیسرائیل لە بەشێکی کەرتی غەززە.
- ئازادکردنی 10 بارمتەی ئیسرائیلی لەلایەن حەماسەوە.
- ئازادکردنی سەدان زیندانیکراوی فەڵەستینی لەلایەن ئیسرائیلەوە.