ئێران لە ترسی هێرشەکانی ئیسرائیل ماددە ئەتۆمییەکانی بۆ شوێنێکی دیکە دەگوازێتەوە

ئاڤا نیوز

ئێران هەڕەشەی گواستنەوەی ماددە ئەتۆمییەکانی بۆ شوێنێکی دیکە دەکات، ئەمەش بە مەبەستی پاراستنی لە هێرشی سەربازیی ئیسرائیل.

وێنە گەورەکە: عەباس عێراقچی، وەزیری دەرەوەی ئێران ڕۆژی پێنجشەممە لە نامەیەکدا بۆ سکرتێری گشتی نەتەوەیەکگرتووەکان و بەڕێوەبەری گشتیی ئاژانسی نێودەوڵەتی وزەی ئەتۆم هۆشداری داوە لەو مەترسییانەی کە لەسەر پێگە ئەتۆمییەکانی تاران دروست دەبێت.

عێراقچی لە نامەکەیدا نووسیوویەتی، لە هەلومەرجێکدا کە هەڕەشەکانی ئیسرائیل بەردەوام بێت، ئێران هیچ پەناگەیەک نامێنێت بۆی، جگە لە جێبەجێکردنی ڕێوشوێنی تایبەت بۆ پاراستنی دامەزراوە و کەرەستە ئەتۆمییەکانی کە دواتر وردەکارییە پەیوەندیدارەکانیان بە ئاژانسی نێودەوڵەتی وزەی ئەتۆمی دەگەیەنرێن.

ئەوەی پێویستە بیزانیت: بڕیارە ڕۆژی هەینی جارێکی دیکە دانوستانەکانی نێوان ئەمریکا و ئێران لەسەر بەرنامە ئەتۆمییەکەی تاران بە نێوەندگیری عومان دەستپێبکاتەوە.