ڕاوێژکاری ئەڵمانیا: لە ئامانجی جەنگی ئیسرائیل لە غەززە تێناگەم

ئاڤا نیوز

 

ڕاوێژکاری ئەڵمانیا نیگەرانیی بەرامبەر بە دۆخی مرۆیی کەرتی غەززە نیشان دا کە ڕووبەڕووی سیاسەتی برسیکردنی بوونەتەوە و لەلایەن ئیسرائیلەوە.

 

چیرۆکی سەرەکی: ئیسرائیل لە فراوانکردنی هێرشەکانی بۆسەر کەرتی غەززە بەردەوامە و چەندین وڵاتی هاوپەیمانی ئەوروپیشی داوایان کردووە کۆتایی بەشەڕ بهێنرێت و سیاسەتی برسیکردنی هاووڵاتیانی مەدەنی پەڕێوە نەکردێت.

 

لێدوانی فەرمی: فریدریش مێرتس، ڕاوێژکاری ئەڵمانیا، ڕەخنەی لە ستراتیژی ئیسرائیل لە کەرتی غەززە گرت و گوتی، "ڕاستگۆیانە بڵێم چیدی تێناگەم سوپای ئیسرائیل لە غەززە بە چ ئامانجێک کار دەکات".

- ڕاوێژکاری ئەڵمانیا نیگەرانیی بەرامبەر بە دۆخی مرۆیی کەرتی غەززە نیشان دا کە ڕووبەڕووی سیاسەتی برسیکردنی بوونەتەوە و لەلایەن ئیسرائیلەوە گەمارۆی تووندیان لەسەر دانراوە. ئەو گوتی ئازاردانی دانیشتوانی مەدەنی بەم شێوەیەی ئێستا هەیە ناکرێت پاساوی ڕووبەڕووبوونەوەی تیرۆری بۆ بهێنرێتەوە.


- میرتس گوتیشی نابێت ئیسرائیل ئەو کارانە بکات کە تەنانەت باشترین هاوڕێکانی چیدی نەتوانن بەرگریی لێ بکەن. 

 

زانیاریی زیاتر: ئەم لێدوانانەی ڕاوێژکاری ئەڵمانیا بە گۆڕانێکی گەورە دادەنرێت کە ئەڵمانیا هاوپەیمانێکی دێرینەی ئیسرائیلە. پێشتریش هەر یەکە لە فەرەنسا و بەریتانیا و کەنەدا ڕەخنەیان لە ئۆپەراسیۆنە سەربازییەکانی ئیسرائیل لە کەرتی غەززە گرتبوو و بە "بێ بەزەییانە" وەسفیان کردبوو. ئەو دەوڵەتانە هەڕەشەی ئەوەشیان کرد بوو کە ئەگەر ئیسرائیل ڕێگەی بە گەیشتنی یارمەتیی مرۆیی بۆ کەرتی غەززە نەدات، ئەوا ئەوان "هەڵوێستە بەرجەستە" لە دژی دەگرنە بەر.