لاڤرۆڤ: ئەسعەد شەیبانی بانگهێشتی ڕووسیا کراوە

ئاڤا نیوز

 

لە کۆنفرانسێکی ڕۆژنامەوانی هاوبەشدا، سێرگی لاڤرۆڤ، وەزیری دەرەوەی ڕووسیا لەگەڵ هاوتا تورکییەکەی، باسی لە پەیوەندییەکانی ڕووسیا و سووریا کرد.

 

وێنە گەورەکە: تا ڕووخانی ڕژێمەکەی بەشار ئەسەد،  ڕووسیا پەیوەندییەکانی لەگەڵ سووریا بەردەوام بوو، ئێستاش بە نێوەندگیریی تورکیا، مۆسکۆ دووبارە دەیەوێت پەیوەندییەکانی لەگەڵ دیمەشق ئاسایی بکاتەوە.

 

لێدوانی فەرمی: سێرگی لاڤرۆڤ، وەزیری دەرەوەی ڕووسیا ڕایگەیاند، لەسەر بانگهێشتی هاکان فیدان، وەزیری دەرەوەی تورکیا لە مانگی چواری ئەمساڵدا لە ئەنتاڵیا کۆبوونەوەیەکمان لەگەڵ ئەسعەد شەیبانی ئەنجامدا، ئێستاش بە فەرمی بانگهێشتی ڕووسیا کراوە.

وەزیری دەرەوەی ڕووسیا دەشڵێت، دەمانەوێت بەشداری لە هەوڵەکانی پشتیووانی لە دەسەڵاتدارانی سووریا بکەین. نابێت ڕێگە بە تەقینەوەی قەیرانی نوێ لە سووریا بدرێت.

 

لەلایەکی دیکەوە: لە کۆنگرە ڕۆژنامەوانییە هاوبەشەکەدا فیدان ڕایگەیاند، تورکیا   بەردەوام دەبێت لە کارکردن لەگەڵ ڕووسیا بۆ دەستەبەرکردنی یەکپارچەیی خاکی سووریا.