دادگای باڵای سعوودیە داوا لە هاووڵاتیان دەکات چاودێریی بینینی مانگ بکەن

ئاڤا نیوز

دادگای باڵای سعوودیە داوا لە سەرجەم موسڵمانانی وڵاتەکەی دەکات، چاودێریی بینینی مانگ بکەن. داواش دەکات بۆ ئەو مەبەستە کەڵک لە تەکنەلۆژیای زیرەکی دەستکرد وەربگرن.

چیرۆکی سەرەکی: بەگوێرەی فەلەکناسان، مانگی زولحیجە لە ئێوارەی ڕۆژی سێشەممە ڕێكکەوتی 27ـی ئایاری 2025 دەردەكەوێت و لە زۆرێک لە وڵاتانی عەرەبی و ئیسلامی ڕەنگە بە چاو یاخود بە تەلیسكۆب ببینرێت، لەو حاڵەتەدا ڕۆژی چوارشەممە 28-5-2025، یەكەم ڕۆژی مانگی زولحیجە دەبێت، بەمەش ڕۆژی هەینی 6-5-2025، یەكەم ڕۆژی جەژنی قوربان دەبێت.

ڕاگەیێنراوی فەرمی: دادگای باڵای سعوودیە ڕایگەیاند: هاوڵاتییان لە هەر شوێنێکی وڵاتەکە بن، چاودێریی بینینی مانگ بکەن، لەئەگەری بینینیشی بەزوترین کات پەیوەندی بە نزیکترین دادگای ناوچەکەیانەوە بکەن.

ئەوەی پێویستە بیزانیت: دوای دیاریکردنی ڕۆژی جەژنیش له‌سبه‌ی چوارشه‌ممه‌وه‌ فه‌ریزه‌ی حه‌ج ده‌ستپێده‌كات، بۆ ماوه‌ی نۆ ڕۆژ به‌رده‌وام ده‌بێت و لە ڕۆژی 10ـی زولحیجەی هەموو ساڵێکی کۆچی، حەجخوازان لە ڕۆژی نۆیەم دەچنە سەر کێوی عەرەفە و لە ڕۆژی دەیەمدا دێنە خوارەوە و ئەو ڕۆژە دەبێتە یەکەم ڕۆژی جەژنی قوربان، هاوکات هەر ئەو ڕۆژە حاجییان قوربانی دەکەن.