‌ لە سلێمانی شەقامێكی سەرەکی بە هەردوو ئاراستەی هاتن و چوون دادەخرێت

ئاڤا نیوز

بەهۆی قیرتاوکردنەوەی چینی کۆتایی شەقامەکە، ئەمڕۆ چوارشەممە‌ هەردوو سایدی شەقامی سەرەكی پردی كۆبانێ‌- هەواری شار دادەخرێت. شارەوانیش داوا لە شۆفێران دەکات شەقامە خزمەتگوزارییەکان بەکاربێنن.

ڕاگەیێنراوی فەرمی: سەرۆكایەتی شارەوانیی سلێمانی، ڕاگەیاند، ئەمڕۆ چوار شەممە 28-5-2025، شەقامی سەرەکیی هەواری شار بە هەردوو ئاراستەی ڕۆشتن و هاتن بەرەو پارکی هەواری شار و یەکتربڕی کۆبانێ بەربەست دەکرێت.

- بەربەستكردنەكە بەمەبەستی قیرتاوکردنی چینی کۆتایی شەقامەکانە لە سنووری پڕۆژەکەدا لە چوارچێوەی کارەکانی پڕۆژەی فراوانکردنی شەقامی هەواری شار و ئەندەرپاسی ناسراو بە "والی" کە لەسەر شەقامی سەرەکی هەواری شار جێبەجێ دەکرێت.

ئەوەی پێویستە بیزانیت: شارەوانی سلێمانی داوا لە شۆفێران دەکات، شەقامە خزمەتگوزاریەکان وەک شەقامی جێگرەوە بەکاربهێنن.