زێلێنسکی پێشنیازی کۆبوونەوەکەی سێ قۆڵی لەگەڵ ترەمپ و پووتین دەکات

ئاڤا نیوز

 

ڤۆلۆدیمێر زێلێنسکی، سەرۆکی ئۆکراینا داوای دیدارێکی سێ قۆڵی لەگەڵ هەریەکە لە پووتین و ترەمپ دەکات بۆ دۆزینەوەی چارەسەرێک بۆ کێشەی ئۆکراینا و ڕووسیا.

 

وێنە گەورەکە: تائێستا هەوڵە دیپلۆماسییەکان بۆ ڕاگەیاندنی ئاگربەست لەنێوان ئۆکراینا و ڕووسیا بێئەنجام بوون. ئەمە سەرباری ئەوەی بەمدواییانە، ڕووسیا هێرشە ئاسمانییەکانی بۆ سەر ناوچە جیاوازەکانی ئۆکراینا چڕتر کردووەتەوە.

 

لێدوانی فەرمی: ڤۆلۆدیمێر زێلێنسکی، سەرۆکی ئۆکراینا ڕایگەیاند: ئەگەر پووتین ئاسوودە نەبێت بە کۆبوونەوەی دوو قۆڵی لەگەڵ من، پێم باشە کۆبوونەوەیەکی سێ قۆڵی لەگەڵ ترەمپ ئەنجام بدەین و من هیچ کێشەیەکم نییە، ئامادەم بەشداری  هەموو کۆبوونەوەیەک بکەم بۆ کۆتاییهێنان بە شەڕ''. 

 

زێلێنسکی ئاماژەی بەوەشکرد، تاوەکو ئێستا هیچ یاداشتنامەیەکی ڕووسیا بۆ کۆتاییهێنان بە شەری ئۆکراینا پێنەگەیشتووە. دەشڵێت، کیێڤ ئامادەیە بۆ هەموو جۆرە دانوستاندێک بۆ گەیشتن بە ڕێککەوتنی  ئاگربەست.