کرێملن: ڕەنگە دووەم دانوستانی نێوان ئۆكراینا و ڕووسیا هەر لە ئیستەبووڵ بێت

ئاڤا نیوز

دیتمری پێسکۆڤ، گوتەبێژی کرێملن ئەوەی ڕاگەیاند کە ڕەنگە دانوستانی داهاتووی نێوان ئۆكراینا و ڕووسیا لە ئیستەنبووڵ بێت، ئێستا بابەتەکە لە گفتووگۆدایە.

چیرۆکی سەرەکی:  دانوستانی نێوان ڕووسیا و ئۆکراینا بۆ ڕاگرتنی شەڕی سێ ساڵەی نێوانیان بەردەوامە، دوای ئەوەی گەڕی یەکەمی دانوستانی نێوانیان لە ئیستەنبووڵ کرا، چاوەڕوان دەکرێت گەڕی دووەمیش هەر لەو شارە بکرێت.

لێدوانی فەرمی: دیتمری پێسکۆڤ، گوتەبێژی کرێملن لە کۆنگرەیەکی ڕۆژنامەوانیدا لە مۆسکۆ لە وەڵامی پرسیاری ئەوەی ئایا چ شوێنێکتان بۆ دانوستانی دووەم دیاریکردووە گوتی: ڕەنگە هەر لەو شوێنە بێت کە دانوستانی یەکەممان لێکرد، شاری ئیستەنبووڵ، بڕیاری کۆتاییش بە ڕای گشتی دەدرێت.

لەلایەکی دیکەوە: لە کاردانەوەی لێدوانەکەی فرێدریچ مێرز، ڕاوێژکاری ئەڵمانیا کە ڕایگەیاندبوو، سنووردارکردنی ناردنی چەک بۆ ئۆكراینا هەڵگیرا، گوتی: ئەمە جگە لە ختووکەدانی شەڕی زیاتر و هاندانی ئۆکراینا بۆ شەڕ و کوشتاری و دوورکەوتنە لە پڕۆسەی ئاشتی زیاتر نییە.

ئەوەی پێویستە بیزانیت: دوای سێ ساڵ جەنگی نێوان ئۆكراینا و ڕووسیا، یەکەم دانوستانی نێوانیان بۆ ئاگربەست و ئاشتی لە 16ـی ئەم مانگە لە ئیستەنبووڵ کرا.