پەیکەری عومەر خاوەر بەرزترین پەیکەری ئێران و ڕۆژهەڵاتی کوردستانە

ئاڤا نیوز

بەرزترین عومەری خاوەر لە سنەی رۆژهەلاتی کوردستان، لەسەر بەرزاییەکانی ئاویەر درووست کراوە، دەڕوانێت بەسەر هەموو شاری سنە.

چیرۆکی سەرەکی:  بەرزترین پەیکەری ڕۆژهەڵاتی کوردستان و ئێران لە شاری سنەیە و پەیکەری شەهید عومەری خاوەرە، ناوی پەیکەری بەرگرییە، چونکە هەڵەبجە سیمبولی بەرگری کورد بووە دژی ستەمی ستەمکاران.

زانیاریی زیاتر: ئەم پەیکەرەیان جیاوازە لەوەی لە هەڵەبجە بۆی کراوە، ئەمەیان بەپێوەیە و تەرمی دوو منداڵی بەدەستەوەیە، پانزە مەتر بەرزە، لەسەر سەکۆیەکی حەوت مەتری درووست کراوە، لەکانزایەکی تایبەت درووستکراوە، قەبارەکەی ئەوەندە گەورەیە لەپێنج پارچەی سێ مەتری درووستکراوەو دوایی خراونەتە سەر یەک، قورسیی پەیکەرەکە 20 تۆنە، و بەدوو ساڵ درووست کراوە.

ئەم پەیکەرە ناوازەیە، پەیکەر تاشێکی بەناوبانگی کورد دروستی کردووە کە لەجیهاندا ناوبانگیی هەیە، ئەویش مامۆستا هادی زیائەدینییە. جگە لەو پەیکەرە، لەمەیدانە گەورەکانی تری شارە گەورەکانی ئێران و کوردستان پەیکەری دانراوە، لە ئیسفەهان، قەزوین، سنەو مەهابادو هەولێر و سلێمانی.