ئیسرائیل پەرە بە سیستمی بەرگریی لەیزەری دەدات

ئاڤا نیوز

 ئیسرائیل پەرە بە سیستمی بەرگریی لەیزەری دەدات و بۆ یەکەمجاریش سیستمەکەی لە بەرپەرچدانەوەی هێرشە درۆنییەکانی حیزبوڵڵا بەکارهێنا. وەزارەتی بەرگریی وڵاتەکەش دەڵێت، سەرکەوتوو بووە.

وێنە گەورەکە: بۆ کەمکردنەوەی تێچوو و زیادکردنی توانای بەرگریی وڵاتەکەی، ئیسرائیل پەرەی بە سیستمی بەرگریی لەیزەری داوە.

لێدوانی فەرمی:  دانیاڵ گۆڵد، بەرپرسی بەڕێوەبەرایەتیی توێژینەوە و پەرەپێدانی بەرگریی سوپای ئیسرائیل دەڵێت، ئیسرائیل تاکە وڵاتە کە خاوەنی سیستمێکی بەرگریی لەیزەری لەمجۆرە بێت و توانایەکی بێ وێنەی هەیە.

ڕاگەیێنراوی فەرمی: وەزارەتی بەرگریی ئیسرائیل ڕایگەیاند، حزبووڵڵا لە سەر سنووری لوبنان بە فڕۆکەی بێفڕۆکەوان هێرشیانکردووەتە سەر هێزەکانیان و لەبەرامبەردا هێزەکانیان بەهێزترین سیستمی بەرگریی لەیزەرییان بەکارهێناوە کە ناوی ئایرۆن بیەمە.

زانیاریی زیاتر: ئەم سیستمە بەرگرییە توانای هەیە هاوەن و درۆن و موشەک و تۆپ، تەنانەت موشەکی کروزیش بخاتە خوارەوە و بۆماوەی دەیان ساڵە ئیسرائیل پەرە بەتواناکانی دەدات.

ئەوەی پێویستە بیزانیت: سیستەمەکە بۆ هەر درۆن و موشەکێک خەرجی تەنیا دوو دۆلارە، لەکاتێکدا گومەزی ئاسنینی بەرگریی ئیسرائیل تێچووەکەی دەگاتە پەنجا هەزار دۆلار یان زیاتر.