فایلی خەڵک؛ دوای بەدواداچوونی ئاڤا ڕێگای گوندی زەڵم چاک دەکرێت

ئاڤا نیوز

دوای بەدواداچوونی ئاڤا، ڕێگای گوندی زەڵم چاک دەکرێت. دوێنێ دەستکراوە بە کۆنکرێتکردن و ئەمڕۆش تەواو دەبێ.

وێنە گەورەکە: لە گوندی زەڵم لە هەورامان ڕێگایەکی 300 مەتری هەبوو، بەهۆی ئەوەی چەندین ساڵ کێشەی لەسەر بوو، ڕێگاکە چاک نەکرابوو.

زانیاریی زیاتر: گوندی زەڵم، گوندێکی گەشتیاری دڵگیر و خۆشە و ساڵانە ڕێژەیەکی زۆر لەناوەوە و دەرەوەی کوردستان سەردانی دەکەن.

لێدوانی فەرمی: ئاراس ڕەفیق، پەیامنێری ئاڤا بەدواداچوونی بۆ خراپی ڕێگاکە کردووە و دەڵێت، گەشتیاران بە زەحمەت بە ڕێگاکەدا تێدەپەڕن.

ئەوەی پێویستە بیزانیت: دوای بەدواداچوونەکەی ئاڤا ڕێگاکە دوێنێ دەستکراوە بە کۆنکرێتکردنی و ئەمڕۆ تەواو دەبێ. یەکەم ڕۆژی جەژنی قوربانیش گەشتیار و خەڵک دەتوانن بەکاری بێنن و پێیدا تێپەڕن.