لە سنووری پێنجوێن مینێک بە هەشت کرێکاردا تەقییەوە

ئاڤا نیوز

 

لە گوندێکی سنووری قەزای پێنجوێن، مینێکی کۆن بە هەشت کرێکاردا تەقییەوە و بریندار بوون.

 

زانیاریی بەدەستهاتوو: تەقینەوەی ئەو مینە لەکاتێکدا بووە چەند کرێکارێک سەرقاڵی کارکردن و هەڵکۆڵینی شوێنێکبوون بۆ پڕۆژەیەک مینێکی کۆنیان پێدا تەقیوەتەوە. 

 

لێدوانی فەرمی: سامان نادر، بەڕێوەبەری فریاگوزاریی خێرای سلێمانی بە ئاڤا میدیای ڕاگەیاند: کاتژمێر (9:00)ی بەرەبەیانی ئەمڕۆ لە گوندی کێلۆی سنووری قەزای پێنجوێن، هەشت کرێکار لە کاتی کارکردندا مینێکی کۆنیان پێدا تەقیوەتەوە بەو هۆیەوە هەر هەشتیان زامدار بوون.

 

زانیاریی زیاتر: دوو لە بریندارەکان گەیەندراونەتە نەخۆشخانەی شاری سلێمانی و شەش بریندارەکەی تر لە نەخۆشخانەی فریاکەوتنی پێنجوێنن و دۆخی تەندروستیی سەرجەمیان جێگیرە.