ترەمپ وەزارەتی دەرەوەی ئەمریکا دادەڕێژێتەوە

ئاڤا نیوز

 

دۆناڵد ترەمپ، سەرۆکی ئەمریکا، بە شێوەیەکی فەرمی پڕۆژەیەکی بۆ دووبارە داڕەشتنەوەی وەزارەتی دەرەوەی ئەمریکا پێشکەش بە کۆنگرێس کردووە.

 

چیرۆکی سەرەکی: ئامانجی پڕۆژەکە جەختکردنە لە سەر "بەها ڕۆژئاواییەکان" لە ناو سیاسەتی دەرەوەی ئەمریکا و بە گوێرەی تێڕوانینەکانی ئیدارەی ترەمپ و کۆمارییەکان دادەڕێژرێتەوە و هاوکات پەرەی زیاتر بە سیاسەتی "ئەمریکا لە پێش هەموو شتێک" دەدرێت. 

 

زانیاریی زیاتر: بە گوێرەی پڕۆژەکە هەزاران پۆستی کاریی لە ناو وەزارەت لادەدرێن یان هەموار دەکرێنەوە و زیاتر لە 300 فەرمانگە لادەدرێن یان تێکەڵ دەکرێنەوە. 

 

ئەمەش بزانە: گرنگترین گۆڕانکاریی بریتییە لە نەهێشتنی ئەو فەرمانگانەی کە کاری بەدواداچوون بۆ تاوانەکانی جەنگ و پێکدادانە جیهانییەکان دەکەن و هەروەها کەمکردنەوەی ڕۆڵی بوارەکانی ئاسایشی ناسەربازی، دیموکراسی و مافی مرۆڤە. لە بری ئەمانە فەرمانگەیەک بە ناوی "فەرمانگەی دیموکراسی و بەها ڕۆژئاواییەکان" دادەمەزرێت کە جەختی لە سەر "مافە سرووشتییەکان" و بازاڕ و کاری ئازاد" دەبێت.

 

لێدانی فەرمی: مارکۆ ڕوبیۆ، وەزیری دەرەوەی ئەمریکا، ڕایگەیاند ئەم گۆڕانکارییانە دەبنە هۆی ئەوەی وەزارەتەکە لە بەرگریکردن لە بەرژەوەندییەکانی ئەمریکا لە سەر ئاستی جیهانی "چالاکتر و کاریگەرتر" بێت.