لە سلێمانی کەسێک بە دەستی دراوسێکەی کوژرا

ئاڤا نیوز

 

لە شارۆچکەی پیرەمەگرون لە سنووری پارێزگای سلێمانی لە ئەنجامی شەڕی نێوان دوو دراوسێدا کەسێک کوژرا.

 

چیرۆکی سەرەکی: سەرلەبەیانیی ئەمڕۆ هەینی 30-5-2025 لە شارۆچکەی پیرەمەگرون، دوو دراوسێ دەبێتە شەڕیان و یەکێکیان بە بەرد لە سەری ئەوەی دیکەیان دەدا و بەو هۆیەوە گیان لەدەست دەدات.

ڕاگەیێنراوی فەرمی: پۆلیسی سلێمانی ڕایگەیاند: ئەمڕۆ زانیاری گەیشتە دەست مەفرەزەکانی بنکەی پۆلیسی پیرەمەگرون کە لە گەڕەکی ئاسۆس لە شارۆچکەی پیرەمەگرون شەڕ ڕوویداوە و کەسێک بریندارە، هێزەکانی پۆلیس دەستبەجێ‌ گەیشتنە شوێنی ڕوداوەکە و بریندار بۆ نەخۆشخانە گواسترایەوە کە بەرد کێشرابوو بە سەریدا، بەڵام بەهۆی سەختی برینەکەیەوە گیانی لەدەست دا.

زانیاریی زیاتر: بەپێی ڕاگەیێنراوەکەی پۆلیسی سلێمانی، دوای تێپەڕبوونی کاتژمێرێک بەسەر ڕووداوەکە، پۆلیس تۆمەتبارەکەی دەستگیر کردووە.

 

ئەوەی پێویستە بیزانیت: تۆمەتبار ناوی (س، ح ، ع) تەمەنی 45 ساڵە و بەپێی ماددەی 405 لە یاسای سزادانی عێراقی ڕاگیراوە.