بۆ دیپۆرتکردنەوەی نیو ملیۆن پەنابەر گڵۆپی سەوز بۆ ترەمپ هەڵدەکرێت

ئاڤا نیوز

دادگای باڵای ئەمریکا مۆڵەتی بە ئیدارەی ترەمپ داوە دەست بکات بە دیپۆرتکردنەوەی نزیکەی نیو ملیۆن کۆچبەری وڵاتەکانی کوبا، هایتی، نیکاراگوا و ڤەنزوێلا کە بە شێوەیەکی یاسایی چوونەتە ناو ئەمریکاوە لە ژێر بەرنامەکانی "پارێزبەندی مرۆیی" کە لە سەردەمی ئیدارەی بایدن جێبەجێکراون، ماونەتەوە.

وێنە گەورەکە: ئیدارەی دۆناڵد ترەمپ دەیەوێت ژمارەی پەنابەران لە وڵاتەکەی کەمبکاتەوە و بە مەترسی بۆ سەر وڵاتەکەی ناویان دەبات، بۆ ئەو مەبەستە داوای ڕێگەپێدانی لە دادگای باڵای وڵاتەکەی کردووە بۆ دیپۆرتکردنەوەیان.

زانیاریی زیاتر: بەرنامەی پارێزبەندی پەنابەران لە ئەمریکا بۆ ماوەی دوو ساڵ ڕێگەی بە پەنابەراندا بە شێوەیەکی یاسایی بچنە ناو ئەمریکا و مانگانە تا 30 هەزار کۆچبەر لە چوار وڵاتەوە دەگەیشتنە ئەمریکا.

ئەوەی ئێستا ڕوودەدات: ئیدارەی دۆناڵد ترەمپ دەتوانێت 532 هەزار پەنابەری وڵاتانی کوبا، هایتی، نیکاراگوا و ڤەنزوێلا دیپۆرتی وڵاتەکانیان بکەنەوە.