ئەمریکا: هەر دەوڵەتێک بازرگانی لەگەڵ ڕووسیا بکات سزا دەدرێت

ئاڤا نیوز

 

کۆنگرێسی ئەمریکا ئامادەکاری دەکات بۆ پرۆژەیاسایەک بۆ سزادانی ڕووسیا و ئەو دەوڵەتانەی نەوتی ڕووسیا دەکڕن.

 

وێنە گەورەکە: لە پێناو ڕاگرتنی جەنگی نێوان ڕووسیا و ئۆکراینا دۆناڵد ترەمپ، سەرۆکی ئەمریکا لە سەرەتای دەستبەکاربوونیەوە بەڵێنی ڕاگرتنی جەنگی سێ ساڵەی نێوان هەردوو دەوڵەتی دا، بەڵام  لە دوایین لێدوانیدا، دۆناڵد ترەمپ هەریەک لە سەرۆکی ڕووسیا و ئۆکراینای بە " کەللەڕەق " ناوبرد و بە هۆکاری ئەوەی دانوستاندنەکانی ئاشتی بە قۆناغێکی ئاڵۆزدا تێدەپەڕێت.

 

لێدوانی فەرمی: لێنزی گراهام، سیناتۆری ئەمریکی لە کۆبوونەوەیدا لەگەڵ ڤۆلۆدیمێر زێلینسکی، سەرۆکی ئۆکراینا ڕایگەیاند، لە هەفتەی داهاتووەوە کۆنگرێسی ئەمریکا پرۆژەیەک ئامادە دەکات بۆ سزادانی ڕووسیا و هەر دەوڵەتێک کە نەوتی ڕووسیا بکڕێت و بازرگانی شمەکی لەگەڵ ئەنجام بدات سزا دەدرێت، گراهام ڕووسیای تۆمەتبار کرد بە بەفیڕۆدانی کات و خۆبەدوورگرتن لە ڕاگرتنی جەنگ.

 

ئەوەی پێشبینی دەکرێت بڕیاروایە ڕۆژی دووشەممە، دووەم کۆبوونەوەی ڕاستەوخۆی نێوان مۆسکۆ و کیێڤ لە ئیستەنبووڵ بکرێت.