شۆفێران لە هەڵگرتنی ژمارەیەک کەرەستە لە ئۆتۆمبێلەکانیان ئاگادار دەکرێنەوە

ئاڤا نیوز

 

بەهۆی بەرزبوونەوەی پلەکانی گەرما، بەڕێوەبەرایەتیی هاتووچۆی هەرێمی کوردستان ژمارەیەک ڕێنمایی بۆ شۆفێران بڵاودەکاتەوە و داوایان لێدەکات پێیانەوە پابەند بن تاوەکو دوور بن لەهەر ڕووداوێکی نەخوازراو.

 

ڕاگەیێنراوی فەرمی: بەڕێوەبەرایەتیی هاتووچۆی هەرێمی کوردستان ڕایگەیاند، سەبارەت بە ڕێگریکردن لە ئەگەری ڕوودانی سووتانی ئۆتۆمبێل لە وەرزی هاویندا، ڕێنمایی هاووڵاتیان دەکەین، کە لە کاتی وەستانی ئۆتۆمبێلدا، نابێت چەند کەرەستەیەک لەناو ئۆتۆمبێلدا بەجێبهێڵدرێن لەوانەش:

-   خواردنەوە گازییەکان بە هەموو جۆرەکانییەوە.
-   بتڵی ئاو.
-   چاویلکە.
-   چەرخ.
-   بۆن.
-   موعەتەر.
-   پاوەربانک و ئامێرە ئەلیکترۆنییەکان بە گشتی مەترسیدارن بەجێبهێڵدرێن لەناو ئۆتۆمبێل لە وەرزی هاویندا.

 لە بەشێکی دیکەی ڕێنماییەکانی بەڕێوەبەرایەتیی هاتووچۆی هەرێمی کوردستان بۆ شۆفێران، هاتووە: لەکاتی وەستانی ئۆتۆمبێلدا، پێویستە کەمێک جامی ئۆتۆمبێلەکە بکرێتەوە، هەروەها تانکی سووتەمەنیش پڕ نەکرێت و تایەی ئۆتۆمبێلیش زیاد لە پێویست پڕهەوا نەکرێت.

 

ئەوەی پێویستە بیزانیت: ھەبوونی ئامێری ئاگرکوژێنەوەی دەستی لە ناو ئۆتۆمبێلەکان و چۆنیەتی بەکارھێنانی و دڵنیابوون لە بەسەرنەچوونی گرنگە.