لە کۆبوونەوەی پیرمام چ بڕیارێک لەبارەی مووچە درا؟

ئاڤا نیوز

سکرتێری حیزبی شیوعی کوردستان، ناوەڕۆکی کۆبوونەوەی هاوبەشی ئەمڕۆی لایەنەکان دەخاتەڕوو، جەخت لەوە دەکاتەوە کە بڕیاردرا کۆبوونەوەکان لەگەڵ بەغدا بەردەوام بن، ئەندامێکی شاندی یەكێتیـش دەڵێت، "لەسەر ئەوە کۆک بووین ئەگەر بە قەرزیش بێت مووچەی ئەم مانگە وەرگرین، تا چارەسەری کێشەکان."

چیرۆکی سەرەکی: ڕێکەوتى 2025-05-31، لە مەکتەبى سیاسى پارتى دیموکراتى کوردستان لە پیرمام، بەبەشداری 43 هێز و لایەنی سیاسیی کوردستان کۆبوونەوەیەکى هاوبەش کرا، بەمەبەسىتى تاوتوێکردنى دۆخى سیاسى کوردستان و عێڕاق، ڕۆشنایی خستنە سەر کێشە و گرفتەکانى نێوان حکومەتی هەرێم و حکومەتى فیدراڵ.

لێدوانی فەرمی: کاوە مەحموود، سکرتێری حیزبی شیوعی کوردستان بە ئاڤای گوت، "بڕیاردرا کۆبوونەوەکان لەگەڵ بەغدا، لەچوارچێوەی دەستوور و بڕیاری دادگەی فیدراڵی لەبارەی مووچە بەردەوام بن، بەمەبەستی گەیشتن بە چارەسەری بنەڕەتی لەنێوان هەردوولا."

لەلایەکی دیکەوە: د. مەجید حەمەدەمین، ئەندامی سەركردایەتی یەكێتی ڕایگەیاند: لە كۆبوونەوەی ئەمڕۆی پیرمام، بڕیاردرا ئەگەر بەقەرزیش بێت مووچەیەك وەربگرین تا ئەوكاتەی كێشەكە بەشێوەیەكی بنەڕەتی چارەسەر دەكرێت."