کۆریای باشوور: کۆریای باکوور لە شەڕی دژی ئۆکراینادا بەشدارە

ئاڤا نیوز

وەزیری بەرگریی کۆریای باشوور، کۆریای باکووری بەوە تۆمەتبار کرد کە بەردەوامە لە ناردنی چەک و تەقەمەنی بۆ ڕووسیا تا لە دژی ئۆکراینا بە کاریان بهێنێت.

وێنە گەورەکە: ڤلادیمیر پووتین و کیم جۆنگ ئون، سەرکردەی هەردوو وڵات، لە مانگی ئەیلوولی ڕابردوودا کۆبوونەوە. ئەمریکا دوای ئەم کۆبوونەوەیە ڕایگەیاند کە کۆریای باکوور چەک بۆ ڕووسیا دەنێرێت.

لەلایەكی دیكەوە: پێشتریش سیۆل پیۆنگیانگ-ی بەوە تۆمەتبار کرد کە زیاتر لە ملیۆنێک گوللەهاوەنی بۆ ڕووسیا ناردووە، ڕووسیاش لە بەرامبەردا ڕاوێژی تەکنیکیی بە کۆریای باکوور داوە بۆ هەڵدانی مانگی دەستکردی سیخوڕی.

لێدوانی فەرمی: شین وۆن شی، وەزیری بەرگریی کۆریای باشوور ڕایگەیاند: لە مانگی تەممووزی ڕابردووەوە، کۆریای باکوور نزیکەی حەوت کۆنتێنەر چەکی بۆ ڕووسیا ناردووە بۆ ئەوەی لە شەڕی ئۆکراینادا بە کاریان بهێنێت. گەرچی ڕێی ئاوی ڕاگیراوە، بەشێک لەو چەکانە بە شەمەندەفەر ڕەوانەی ڕووسیا دەکرێن.

بۆچوونی لایەنی بەرامبەر: کیم جۆنگ ئون، سەرۆکی کۆریای باکوور، لە پەیامێکدا بە ڤلادیمیر پووتینی ڕاگەیاند: دەستم تووند لە دەستت گیر دەکەم و سەردەمێکی نوێی دۆستایەتیی نێوان کۆماری دیموکراتیی میللیی کۆریا و ڕووسیا بە گەڕ دەخەین.