عێراق دەیەوێت وزەی ئەتۆم بەرهەم بهێنێت

ئاڤا نیوز

بەگوتەی سەرۆكی ئاژانسی نێودەوڵەتيی وزەی ئەتۆم، عێراق نەخشەڕێگای پڕۆگرامی ئەتۆمی ئاشتیانە دادەنێت، لە ڕۆژانی داهاتووشدا تیمێك لە شارەزایانی عێراق سەردانی ڤییەننا دەكەن.

لێدوانی فەرمی: ڕافائێل گرۆسی، سەرۆکی ئاژانسی نێودەوڵەتیی وزەی ئەتۆم لە بەغدا لەگەڵ محەممەد شیاع سودانی، سەرۆکوەزیرانی عێراق کۆبووەوە. مەبەست لە کۆبوونەوەکە گفتوگۆکردن بوو لە سەر چۆنیەتی پەرەپێدان بە تواناکانی عێراق لە پڕۆگرامی ئاشتییانەی ئەتۆمیدا.

لێدوانی فەرمی: نەعیم عەبوودی، وەزیری پەروەردەی عێراق، سەبارەت بە کۆبوونەوەکە ڕِایگەیاند: ئێمە چەند پڕۆژەیەکمان لە عێراق تاوتوێ کرد، لەوانە بونیاتنانی ریئاکتۆرێکی ئەتۆمی بۆ مەبەستی ئاشتییانە.

 
چاوەڕوانکراوەکان: لە ڕۆژانی داهاتوودا تیمێک لە شارەزایانی عێراق سەردانی بارەگای سەرەکیی ئاژانسی نێودەوڵەتیی وزەی ئەتۆم لە ڤیەننا دەکەن، لەوێ کار لە سەر داڕشتنی نەخشەڕێگاكە دەكەن.