زیاتر لە نیوەی پارت و لایەنەكان هەڵبژاردنیان بایکۆت كردووە

ئاڤا نیوز

 

دوای بایکۆتی هەڵبژاردنی پەرلەمانی کوردستان لەلایەن پارتییەوە، ژمارەی ئەو پارت و لایەنە سیاسییانەی بەشداری لە هەڵبژاردن ناکەن بۆ 22 حیزب بەرزبووەتەوە.

وێنە گەورەکە: بڕیارەکانی دادگەی فیدڕاڵی سەبارەت بە هەڵوەشاندنەوەی کورسی کۆتاکان لە پەرلەمانی کوردستان کە کۆتایی شووباتی ئەمساڵ دەریکرد، وایکردووە لەکۆی 39 حیزبی مۆڵەت پێدراو لەلایەن وەزارەتی ناوخۆی حکومەتی هەرێمی کوردستان 22 حیزب بایکۆتی هەڵبژاردنی خولی شەشەمی پەرلەمانی کوردستانیان کردووە.

ئەوەی پێویستە بیزانیت:  ئەو پارت و لایەنە سیاسیانەی تا ئێستا بایکۆتی هەڵبژاردنیان کردووە پێکهاتوون لە:-

پارتی دیموکراتی کوردستان.
پارتی یەکێتیی دیموکراتی کلدانی.
 کۆمەڵەی کلدانی جیھانی.
 پارتی بزووتنەوەی گردبوونەوەی سریان.
 رەوتی شلاما بۆ کاروباری مەسیحی (کلدان سریان ئاشوور و ئەرمەن).
 پارتی ئەنجوومەنی نەتەوەیی کلدانی.
 لیژنەی ئیداری تائیفەی ئەرمەنی ئەرسەدۆکس.
کۆمەڵەی رۆشنبیریی ئەرمنی.
ھاوپەیمانیی یەکێتیی نەتەوەیی- ھەرێم 
 ھاوپەیمانیی حامورابی- عێراق.

بزووتنەوەی سەربەخۆی تورکمان.
پارتی چاکسازی تورکمان.
پارتی ئیرادەی تورکمان.
 پارتی میللی تورکمان.
کۆمەڵەی ڕۆشنبیری تورکمان.
 پارتی نیشتمانی تورکمان.
 بزووتنەوەی دیموکراتی تورکمان.
 پارتی گەشەپێدانی تورکمان.
 پارتی ڕزگاری نەتەوەیی تورکمان.
 پارتی دیموکراتی تورکمان .
 کۆمەڵەی لیبڕاڵی تورکمان.

باکگراوند: ڕۆژی دووشەممە مەکتەبی سیاسیی پارتی بۆ تاوتوێکردنی ڕەوشی سیاسیی عێراق و هەرێمی کوردستان بە سەرۆکایەتیی سەرۆک بارزانی کۆبووەوە، بڕیاریدا بە بایکۆتکردنی خولی شەشەمی پەرلەمانی کوردستان و هەرەِشەی کشانەوەش لە پڕۆسەی سیاسیی عێراق دەکات.