لە سلێمانی دوو کەس بەتۆمەتی وەرگرتنی پارەی جەژنانە دەستگیر کران

ئاڤا نیوز

 

لە گەڕەکی بەختیاریی شاری سلێمانی دوو هاووڵاتی بە ڕەچەڵەک عەرەب بە تۆمەتی وەرگرتنی پارە لە هاووڵاتییان بەناوی کۆمپانیای پاککەرەوە دەستگیر دەکرێن.

 

ڕاگەیێنراوی فەرمی: پۆلیسی سلێمانی ڕایگەیاند: لە کاتی دەستبەسەرکردنی دوو تۆمەتبارەکە دەستیان بەسەر ئەو بڕە پارانەدا گرتووە کە لە هاووڵاتیانیان وەرگرتووە، پاش ڕادەستکردنیان بە بنکەی پۆلیسی بەختیاری و داننان بە تاوانەکەدا، بەبڕیاری دادوەری لێکۆڵینەوەی تایبەتمەند، تۆمەتبارەکان ڕاگیراون و لێکۆڵینەوە لە بابەتەکە بەردەوامە.

 

ئەوەی پێویستە بیزانیت: پۆلیسی سلێمانی هاووڵاتیان ئاگادار دەکاتەوە، بۆ ڕێگرتن لە دووبارەبوونەوەی ئەم هەڵسوکەوتە، بە وریاییەوە مامەڵە بکەن و لە ئەگەری ڕووداوێکی لەوشێوەیە، هێڵە گەرمەکانی 100، 104، 105 ئاگادار بکەنەوە.