سەرۆكوەزیران مەسرور بارزانی جەخت لە پشتیوانیكردنی نووسەران دەكاتەوە

ئاڤا نیوز

سەرۆكوەزیران مەسرور بارزانی، پێشوازی لە نووسەر و ڕووناكبیری ناسراوی كورد فوئاد مەجید میسری كرد و پشتیوانی خۆیشی بۆ نووسەران و ڕووناکبیران دووپات کردەوە.

بڵاوكراوەی فەرمی: سەرۆكوەزیران مەسرور بارزانی، لە لاپەڕەی خۆی لە فەیسبووك ئاماژەی بە ئەوە داوە كە لەگەڵ فوئاد مەجید میسری، جەختیان لە پەرەپێدانی بزاڤی کولتووری و ئەدەبی و هونەری لە کوردستان و پشتیوانیکردنی نووسەران و ڕووناکبیران کردەوە بۆ ئەوەی بتوانن پەرە بە داهێنانەکانیان بدەن تا زیاتر ڕۆڵی کارا و ئەرێنی خۆیان لە پێشخستنی زمان و ئەدەب و کولتووری کوردیدا بگێڕن.