پووتین دەچێتە ئێران

ئاڤا نیوز

 

سەرچاوەیەکی دیپلۆماسیی ئێرانی لە ڕووسیا ئاشکرای دەکات، بەمزووانە سەرۆکی ڕووسیا سەردانی ئێران دەکات.

 

بۆچی گرنگە: ڕۆژی چوارشەممە، دۆناڵد ترەمپ سەرۆکی ئەمریکا لە ترووس سۆشیاڵ - کە تۆڕێکی کۆمەڵایەتییە و خۆی خاوەندارێتی دەکات- نووسیبووی،" لە پەیوەندییەکی تەلەفۆنیدا لەگەڵ سەرۆک ڤلادیمێر پووتین، ئەو [پووتین] پێشنیازی کرد کە بەشداری لە گفتۆگۆیەکان لەگەڵ ئێراندا بکات بۆ گەیشتن بە ئەنجامێکی خێرا لەبارەی بەرنامە ئەتۆمییەکەی تاران."

 

لێدوانی فەرمی: کازم جەلالی، باڵیۆزی ئێران لە مۆسکۆ ڕایگەیاند، ''پەیوەندییەکانی نێوان تاران و مۆسکۆ  بەرزبووەتەوە بۆ ئاستی پەیوەندییە ستراتیژییەکان و ئاڵوگۆڕی ئاست بەرز لە نێوان بەرپرسانی هەردوو وڵاتدا هەیە، بەمزووانەش سەردانەکەی ڤلادیمێر پووتین بۆ تاران دەبینین".

 

جەلالی ئاماژەی بەوەشکرد، بە پشتبەستن بە ڕێککەوتنی نێوان هەردوو وڵات، بڕیارە ڕووسیا هەشت ملیار دۆلار لە پڕۆژەکانی گازی ئێران وەبەرهێنان بکات.

 

لەلایەکی دیکە: فاتیمە مهاجرانی، وتەبێژی حکومەتی ئێران مانگی ڕابردوو ئاماژەی بە سەردانی پووتین بۆ ئێران کرد و ڕایگەیاند، "ئامادەکاری بۆ ئەم سەردانە دەکەن."

 

ئەوەی پێویستە بیزانیت: کۆشکی کرێملن تائێستا پلانی سەردانەکەی پووتینی بۆ ئێران ئاشکرا نەکردووە.