ئەنجوومەنی ئاسایشی نێودەوڵەتیی پڕۆژە بڕیاری ئاگربەستی غەززەی پەسەند نەکرد

ئاڤا نیوز

ئەنجوومەنی ئاسایشی نێودەوڵەتیی، بەهۆی ڤیتۆی ئەمریکاوە، لە پەسەندکردنی پرۆژە بڕیارێک بۆ ڕاگەیاندنی ئاگربەست لە غەززە شکستی هێنا.

چیرۆکی سەرەکی: چوارشەممە 2025-06-04، ئەنجوومەنی ئاسایشی نێودەوڵەتیی، بۆ ده‌نگدان له‌سه‌ر پرۆژه‌ بڕیارێک بۆ ڕاگه‌یاندنی ئاگربه‌ست له‌ نێوان ئیسرائیل و بزووتنه‌وه‌ی حه‌ماس و ڕێگەدان بە چوونە ناوەوەی هاوکاری مرۆیی بۆ ناو کەرتی غەززە  کۆبووەوە.

لێدوانی فەرمی: دوروسی شیا، نوێنەری ئەمریکا لە نەتەوە یەکگرتووەکان ڕایگەیاند: ئەم پڕۆژەیە  دەبێتە هۆی تێکدانی هەوڵە دیپلۆماسییەکان بۆ گەیشتن بە ئاگربەستێک و بوێری بە حەماس دەدات.

ئەوەی پێویستە بیزانیت: ڕەشنووسی پڕۆژەکە بریتیبوو لە، دەستبەجێ ڕاگەیاندنی ئاگربەستێکی بێ مەرج و هەمیشەیی  لە غەززە ، ڕێگە بە هاتنە ناوەوەی هاوکارییە مرۆییەکان بۆ هاووڵاتیانی غەززە بدرێت بەهۆی ئەو دۆخە کارەساتبارەی کەرتەکە تێیدا دەژیت.

زانیاریی بەدەستهاتوو: ماڵپەری ئەکسیۆس لە زاری سەرچاوەیەکی ئەمریکی بڵاویکردەوە، ئه‌مریكا پێشوه‌خته‌ ئیسرائیلی ئاگادار كردووه‌ته‌وه‌، ڤیتۆ له‌ به‌رامبه‌ر پرۆژه‌ بڕیارەکە به‌كار ده‌هێنێت.

زانیاریی زیاتر: پڕۆژه‌کە له‌ لایه‌ن 10‌ ئه‌ندامه‌ ناهه‌میشه‌ییه‌كه‌ی ئه‌نجوومه‌نی ئاسایشیی نێوده‌وڵه‌تیی "ئیستۆنیا، هیند، ئێرله‌ندا، كینیا، مه‌كسیك، نه‌یجه‌ر، نه‌رویج، سانت فنسنت و دوورگه‌ی گرینادین، تونس، ڤێتنام پێشكه‌ش كرابوو، بەڵام بۆ دووەم جار بەهۆی ڤیتۆی ئەمریکا پەسەند نەکرا.