هەڤاڵ ئەبوبەكر: بەهۆی نەناردنی مووچە هیچ ڕێوڕەسمێکی فەرمیی جەژن بەڕێوە نابەین

ئاڤا نیوز

 

هەڤاڵ ئەبوبەكر، پارێزگاری سلێمانی، وەك ناڕەزاییەتییەک لەبارەی نەناردنی مووچەی فەرمانبەرانی هەرێمی كوردستان لەلایەن حكومەتی عێراقەوە دەڵێ، "ئەمساڵ هیچ ڕێوڕەسمێكی فەرمیی جەژن بەڕێوە نابەین".

 

وێنە گەورەكە: وەزارەتی دارایی حكومەتی عێراق، بڕیاری ڕاگرتنی ناردنی مووچەی فەرمانبەرانی هەرێمی كوردستانی داوە، ئەمەش ناڕەزایی زۆری لە ئاستی سەركردایەتیی كورد و هاووڵاتیانی هەرێمی كوردستانی لێكەوتووەتەوە بەتایبەت كە حكومەتی عێراق، مووچەی فەرمانبەرەكانی خۆی چەند ڕۆژێك پێشخست و پێش هاتنی جەژنی قوربان دابەشی كرد، لەدوایین هەڵوێستیشدا ئەنجوومەنی وەزیرانی هەرێمی كوردستان ڕۆژی چوارشەممە ڕایگەیاند, لەمبارەیەوەیە نامەیەكی فەرمی ئاراستەی كۆمەڵگەی نێودەوڵەتی دەكات.

 

بڵاوكراوەی فەرمی: هەڤاڵ ئەبوبەكر, پارێزگاری سلێمانی لە لاپەڕەی خۆی لە تۆڕی کۆمەڵایەتیی فەیسبووك لە پەیامێكیدا دەڵێت: بەڕێزەوە ڕێز لە ئەرک و سرووت و نەریتە ئاینییە باڵا و باوەکانی کۆمەڵگاکەمان دەگرین و نزای حەجێکی وەرگیراو بۆ حاجیان، بەهێزبوونی ئیرادە و خۆڕاگریی و پێکەوەکارکردنی هەمووان دەكەین.

 

زانیاریی زیاتر: لە پەیامەكەیدا هەڤاڵ ئەبوبەكر، ئاماژەی بە ئەوە داوە كە بەهۆی نەناردنی مووچەوە، وەك ناڕەزاییەك پارێزگای سلێمانی هیچ ڕێوڕەسمێکی فەرمیی جەژن بەڕێوە نابات.

 

لێدوانی فەرمی: هەڤاڵ ئەبوبەكر، پارێزگاری سلێمانی بە ئاڤا میدیای ڕاگەیاند: هیواخوازم ئەمە ببێتە گوشارێک بۆ سەر بەغدا و بكرێتە هەڵمەتێكی گشتگیر.