لە سنووری سلێمانی كەسێك بە ژمارەیەك چەكەوە دەستگیر كرا

ئاڤا نیوز

پۆلیسی سلێمانی ئاشكرای دەكات كەسێكیان دەستگیر كردووە كە كاری كڕین و فرۆشتنی چەكی لە سنووری شارۆچكەی دەربەندیخان كردووە.

ڕاگەیێنراوی فەرمی: پۆلیسی سلێمانی ڕایگەیاند: دوای ئەوەی زانیاری گەیشتە بەشی پۆلیسی دەربەندیخانی سەر بە بەڕێوەبەرایەتیمان سەبارەت بەوەی كەسێك كاری كڕین و فرۆشتنی چەك و مامەڵە بە چەكی نایاساییەوە دەكات، پاش ئەنجامدانی رێككاری یاسایی پێویست و وەرگرتنی بڕیاری دادوەر توانرا لە لایەن مەفرەزەكانی بنكەوە بەسەرپەرشتی بەڕێوەبەری بەشی پۆلیسی دەربەندیخان شوێنی چەك و تەقەمەنییەكان دەستنیشان بكرێت و دەستبگیرێت بەسەریاندا و تۆمەتبارێك لەسەر بابەتە تاوانكارییەكە دەستگیر بكرێت.

زانیاریی زیاتر: تۆمەتبار (ص،گ) بە بڕیاری دادوەر و بەپێی ماددەی 13 لە یاسای چەكی ژمارە 2ـی ساڵی 2022ـی بەركار لە هەرێمی كوردستان ڕاگیراوە و لێكۆڵینەوەكان بەردەوامن.