ڕووسیا دامەزراوە ئەتۆمییەکانی نوێ دەکاتەوە

ئاڤا نیوز

 

لە وێنەی مانگە دەستکردەوە بە ڕوونی دەرکەوتووە، ڕووسیا پێگە ئەتۆمییەکانی لە ماوەی چەند ساڵی ڕابردوودا فراوانتر کردووە.

 

بڵاوکراوەی فەرمی: گۆڤاری 'دێر شپێگڵ'ی ئەڵمانی لە ڕاپۆرتێکیدا ئاماژە بەوە دەدات کە لە ماوەی ئەم چەند ساڵەی دوواییدا ڕووسیا چالاکانە، بەڵام بە نهێنی، کاری لەسەر فراوانکردن و نوێکردنەوەی دامەزراوە ئەتۆمییە سەربازییەکانی کردووە.

زانیاریی زیاتر: ڕاپۆرتەکە پشتی بە توێژینەوەیەکی هاوبەش بە ستووە کە دێر شپیگل بە هاوکاریی لەگەڵ ناوەندی توێژینەوەی سەربەخۆی 'داون واچ'ی دانیمارک ئەنجامی داوە. 

ئەمەش بزانە: بە گوێرەی ڕاپۆرتەکە سەدان نەخشە و بەڵگەنامەی نهێنی دەست کەوتوون کە تیایاندا ئاماژە بە "نوێکردنەوەی گەورە"ی کۆگای ئەتۆمیی ڕووسیا دەدرێت. یەکێک لەو شوێنانەش پێگەی موشەکیی 'یاسنی'ـیە لە باشووری زنجیرە شاخەکانی ئۆراڵ.