کۆمیسیۆن: زیاتر لە 94 هەزار کەس داواکارییان بۆ کارمەندی سەر سندووق پێشکەش کردووە

ئاڤا نیوز

 

کۆمیسیۆنی باڵای سەربەخۆی هەڵبژاردنەکانی عێراق دەڵێت، لە سێ ڕۆژدا زیاتر لە 94 هەزار کەس داواکارییان بۆ کارمەندی سەر سندووق پێشکەش کردووە.

 

وێنە گەورەکە: 3ی ئەم مانگە کۆمیسیۆن دەرگای پێشکەشکردنی داواکاری بۆ بوونە کارمەندی سەر سندووقی دەنگدان کردەوە و تا 9ی مانگی داهاتووش بەردەوام دەبێت، کارمەندانی سەر سندووق لە بەڕێوەبردنی هەڵبژاردنی پەرلەمانی عێراق لە مانگی 11ی ئەمساڵدا ڕۆڵێکی سەرەکی دەگێڕن.

 

ڕاگەیێنراوی فەرمی: کۆمیسیۆنی باڵای سەربەخۆی هەڵبژاردنەکانی عێراق لە ڕاگەیێنراوێکدا باسی لەوەشکردووە، لە سێ ڕۆژدا 94 هەزار و 176 کەس  داواکارییان بۆ کارمەندی سەر سندووق پێشکەش کردووە، لەو ژمارەیەش 73 هەزار و 794 کەسیان لە ڕەگەزی نێرن و 20 هەزار و 382 کەسی دیکەشیان لە ڕەگەزی مێن.

 

- ئاماژەی بەوەشداوە، لەناو ئەوانەی داواکارییان پێشکەش کردووە، 65 هەزار و 870 کەسیان فەرمانبەری حکومەتن و 28 هەزار و 306 کەسی دیکەشیان قوتابیی و دەرچوانی زانکۆ و پەیمانگاکانن.