لەنێو پەرلەمانی بەریتانیا ئاهەنگێک بۆ نەورۆز ڕێکدەخرێت

ئاڤا نیوز

 

بە میوانداری سەرۆکی پەرلەمانی بەریتانیا، ئاهەنگی جەژنی نەورۆز لەنێو تەلاری پەرلەمانی بەریتانیا بەڕێوەچوو؛ ڕەوەندی کوردستانی و نوێنەرانی نەتەوەکانی دیکەش لە ئاهەنگەکەدا بەشداربوون.

 

چیرۆکی سەرەکی: پێشوازیکردنی نەورۆز لەنێو پەرلەمانی بەریتانیا بووەتە نەریتێکی ساڵانە، بەڵام ئەمساڵ نوێنەری سەرۆک بارزانی بانگهێشتی چالاکییەکە کرا و گوتارێکی پێشکەش کرد.

لێدوانە فەرمییەکان: لینسی هۆیەڵ، سەرۆکی پەرلەمانی بەریتانیا: "ئەم ڕێورەسمەم بۆ ناساندنی گەلی کورد و ئەو نەهامەتیانەی بەسەریانداهاتووە، ڕێکخستووە ".

 

شیفا بارزانی، سەرپەرشتیاری ڕەوەندی کوردستانی و نوێنەری سەرۆک بارزانی: "بەڕاستی ئەمە بۆنەیەکی زۆر مێژووییە و دووەمجارە سەرۆکی پەرلەمان خۆی ئامادە دەبێت".

 

هەڤاڵ ئەبوبەکر، پارێزگاری سلێمانی: "ئەمە خۆی پەیامێکی گرنگە، لە ئاستی نێودەوڵەتی کورد زۆر باش چووەتە پێشەوە".

باکگراوند: بەریتانیا ڕۆڵی کاریگەریی لە دەرکردنی بڕیاری 688 هەبوو کە ناسرابوو بە هێڵی دژەفڕین بۆ پاراستنی هەرێمی کوردستان لە فڕۆکە جەنگییەکانی سوپای پێشووتری عێراق.