هۆشدارییەک لە دەستەی کەشناسیی عێراقەوە: پلەکانی گەرما بەرزدەبنەوە و زریان و تۆز بەڕێوەیە

ئاڤا نیوز

دەستەی کەشناسیی عێراق پێشبینییەکانی کەشوهەوای چوار ڕۆژی داهاتووی ڕاگەیاند و پێشبینی بەرزبوونەوەی پلەکانی گەرما و هەور و با دەکات کە دەبێتە هۆی بەرزبوونەوەی زریان و تۆز.

 

ڕاگەیێنراوی فەرمی: بەگوێرەی ڕاگەیێندراوی دەستەکە سبەی دووشەممە، ئاسمان بەگشتی ساماڵ دەبێت و لە ناوچەکانی ڕۆژهەڵاتی وڵات دەگۆڕێت بۆ هەوری تەواو و لە باشووری ڕۆژهەڵات با لە ناوچەکانی باشوور چالاک دەبێت و دەبێتە هۆی دروستبوونی زریان و خۆڵ، هەروەها پلەکانی گەرما لە ناوچەکانی ناوەڕاست و باشوور کەمێک بەرز دەبنەوە.

 

ژمارەکان وادەڵێن: پلەکانی گەرما بۆ سبەینێ دووشەممە بەم شێوەیە دەبێت: دهۆک 37، سلێمانی و هەولێر 38، نەینەوا و کەرکووک 41، سەڵاحەددین 43، ئەنبار 42، بەغدا، کەربەلا و واست 45، نەجەف و زیقار 47، دیوانیە 46 و بەسرە 45.

 

ئەوەی پێشبینی دەکرێت: بۆ ڕۆژی سێشەممە، ئاسمان بەگشتی ساماڵ دەبێت لەگەڵ هەندێک پەڵە هەور، بایەکی سووک بۆ مامناوەند، لە باشووری ڕۆژهەڵاتی ناوچەکانی ناوەڕاست و باشوور چالاک دەبێت و دەبێتە هۆی دروستبوونی زریانی خۆڵ، هەروەها پلەکانی گەرما کەمێک دادەبەزن لە ناوچەکانی ناوەڕاست و باشوور.

 

- بۆ ڕۆژی چوارشەممە ئاسمان بەگشتی ساماڵ و گەرم دەبێت لەگەڵ هەندێک پەڵە هەور، پلەکانی گەرما هاوشێوەی ڕۆژانی پێشوو دەبن لە سەرتاسەری وڵاتدا.

 

- سەبارەت بە کەشوهەوای ڕۆژی پێنجشەممە دەستەکە ڕوونیدەکاتەوە: لە ناوچەکانی ناوەڕاست و باشوور ئاسمان ساماڵ و گەرم دەبێت، لە ناوچەکانی باکووریش ئاسمان نیمچە هەور دەبێت، هەروەها پلەکانی گەرما لە سەرتاسەری وڵاتدا کەمێک بەرزدەبنەوە.