لەلایەن ئیسرائیلەوە دەست بەسەر بەلەمی هاوکارییەکانی کەرتی غەززەدا گیرا

ئاڤا نیوز

 

ئیسرائیل ڕێگریی لە بەلەمێکی هاوکاری مرۆیی بۆ کەرتی غەززە دەکات کە چالاکوانان لە ڕێگەی بەلەمی مادلینەوە ئامانجیان ئەوەبوو ئەو یارمەتییانە بگەیەننە ئەو ناوچەیە. 

 

وێنە گەورەکە: بەلەمی مادلین لە سەرەتای مانگی حوزەیرانەوە لە دوورگەی سیسیلیی ئیتاڵیاوە بەڕێکەوت، 12 چالاکوان بە بڕێکی هاوکاریی مرۆییەوە بە ئامانجی شکاندنی گەمارۆی سەر کەرتی غەززە بەنیازی چوونە کەرتەکە بوون دواجار بە بڕیارێکی ، وەزیری بەرگریی ئیسرائیل ڕێگە لە بەلەمی مادلین گیرا، بەم کردەوەیەش وڵاتان نیگەرانی خۆیان دەربڕی.

 

ڕاگەیێنراوی فەرمی: وه‌زاره‌تی ده‌ره‌وه‌ی ئیسرائیل ڕایگەیاند، ده‌ستیان به‌سه‌ر یه‌ختی 'مادلین'ـدا گرتووه‌ كه‌ به‌ مه‌به‌ستی گه‌یاندنی هاوكاری ڕووی له‌ غه‌ززه‌ كردبوو، هێزی کۆماندۆی دەریایی دەستی بەسەر بەلەمەکەدا گرتووە و گواستوویەتییەوە بۆ بەندەری ئوسدود.

 

 ئەوەی لەبارەیەوە دەگوترێت: به‌ گوێره‌ی وه‌زاره‌تی ده‌ره‌وه‌ی ئیسرائیل، سه‌رنشینه‌كانی ئه‌و یه‌خته‌ بۆ وڵاته‌كانیان ده‌گه‌ڕێندرێنه‌وه‌ و ڕێگه‌ به‌ گه‌یاندنی به‌شێكی كه‌م له‌ هاوكارییه‌كان بۆ غه‌ززه‌ ده‌ده‌ن.

‌
زانیاریی بەدەستهاتوو: هاوپەیمانیی کەشتیگەلی ئازادی ڕایگەیاند، سوپای ئیسرائیل دەستی بەسەر بەلەمەکەیاندا گرتووە و چالاکڤانەکانی ڕفاندووە.

 

کاریگەری و لێکەوتەکان: کەشتیی مادلین لە ئیتاڵیاوە  بەڕێکەوت و 12 چالاکوانی فەرەنسا، ئەڵمانیا، بەرازیل، تورکیا، سوید، ئیسپانیا و هۆڵەندای تێدابوو،بەمەش هەر یەک لەم وڵاتانە داوا لە ئیسرائیل دەکەن هاوڵاتیانی بپارێزرێن.