بەڕێژەی 37.4% سەربڕینی ئاژەڵ لە هەولێر زیادی کردووە

ئاڤا نیوز

لە سنووری پارێزگای هەولێر جیاواز لە ساڵانی ڕابردوو قوربانیکردن زیاتر بووە، بەڕێوەبەری کوشتارگەی هەولێریش دەڵێت '37.4%ی ڕێژەی سەربڕینی ئاژەڵ زیادی کردووە'.

لێدوانی فەرمی: هەڵمەت هەمزە، بەڕێوەبەری کوشتارگەی هاوچەرخی هەولێر لە کۆنگرەیەکی ڕۆژنامەوانیدا ڕایگەیاند: لە هەر چوار ڕۆژی جەژنی قورباندا، دوو هەزار و 279 سەر ئاژەڵی بچووک و گەورە سەربڕاون.

- بەراورد بە جەژنی قوربانی 2024، 37.4% ڕێژەی سەربڕینی ئاژەڵ زیادی کردووە، چونکە پارساڵ تەنیا هەزار و 649 سەر ئاژەڵی گەورە و بچووک سەربڕاون.

زانیاری زیاتر: کۆی گشتی ئەو ئاژەڵانەی لەمساڵدا کراون بە قوربانی هەزار و461 سەر ئاژەڵی گەورە و بچووک بوون، ئەمە لە کاتێکدایە پارساڵ تەنیا 873 سەر ئاژەڵی گەورە و بچووک کراون بە قوربانی.