میدیاکانی ئەمریکا باس لە گەشەسەندنی ئابووری کوردستان دەکەن

ئاڤا نیوز

تۆڕی میدیایی سی ئێن ئێنی ئەمریکی لە ڕاپۆرتێکیدا تیشکی خستووەتەسەر گەشەکردن و بەرەوپێشچوونی کەرتی ئابووری هەرێمی کوردستان، سەرۆکوەزیران مەسرور بارزانیش دەلێت، ئامانجیان فرەچەشنەکردنی ئابووری و دەستەبەرکردنی فرەسەرچاوەییە.

وێنە گەورەکە: لە ڕاپۆرتەکەدا سی ئێن ئێن، دۆخی وەبەرهێنانی لە هەولێر لە ژێر ڕۆشنایی باشترکردنی یاساکانی وەبەرهێنان و پرۆژە نوێیه‌كانی له‌ عێراق بە گرەوێکی سەلامەت ناوزەند کردووە.

لێدوانی فەرمی: سەرۆکوەزیران مەسرور بارزانی ڕایگەیاند، "ئێمە لە ڕووی ئەمنی و ژێرخانەوە بارودۆخێکی باشترمان هه‌یه‌ بە بەراورد لەگەڵ ته‌واوی عێراق، زوو دەستمان بە گەشەپێدان کرد و بەپلەی یەکەم سەرنجمان لەسەر ڕووبەڕووبوونەوەی گەندەڵییە".

- هەرێمی کوردستان دەتوانێت ببێتە دەروازەیەکی کراوەی وەبەرهێنان بۆ تەواوی عێراق و پابەندبوونمان بە جێبه‌جێكردنی کارەکان بە دروستی، کوردستانی كردووه‌ته‌ خاوه‌ن پێگەیەکی ده‌گمه‌ن.

- "ئامانجمان هەمەچەشنکردنی ئابووری و دەستەبەرکردنی چەندین سەرچاوەی داهاتە بەبێ ئەوەی تەنیا پشت بە نەوت ببەستین".

- "یاسای وەبەرهێنان دەگۆڕین، بۆ ئەوەی سەرنجی وەبەرهێنەری زیاتری بیانیی ڕابکێشین".