فەرمانبەرانی تورکمان لە کەرکووک بۆ کۆمسیۆنی باڵای هەڵبژاردنەکان دەگوازرێنەوە

ئاڤا نیوز

ئەندامێکی پەرلەمانی عێراق ئاشکرایکرد، سەرۆکوەزیرانی عێراق ڕەزامەندی لەسەر گواستنەوەی ڕاژەی کۆمەڵێک فەرمانبەری تورکمانی بۆ کۆمسیۆنی باڵای هەڵبژاردنەکان دەربڕیوە.

لێدوانی فەرمی: ئەرشەد ساڵحی، پەرلەمانتاری عێراق لەپشکی پارێزگای کەرکووک ڕاگەیاند:  بە مەبەستی گواستنەوەی ڕاژەی کۆمەڵێک فەرمانبەری تورکمان لە کەرکووک بۆ کۆمسیۆنی باڵای هەڵبژاردنەکان داواکارییەکی فەرمیمان پێشکەشی محەممەد شیاع سوودانی، سەرۆکوەزیرانی عێراق کرد، ئەویش ڕەزامەندی لەسەر داواکارییەکەمان دەربڕی.

ساڵحی ئاماژەی بەوەشکرد، ئامانج لەو داواکارییە دەستەبەرکردنی هاوسەنگییە لەنێو فەرمانگەکانی کەرکووک و دڵنیابوون لە بێلایەنی پرۆسەی هەڵبژاردن لە پارێزگاکەدا.