لێدوانی کۆشکی سپی بۆ ئاڤا لەبارەی دەنگۆی داخستنی باڵیۆزخانەی ئەمریکا لە بەغدا

ئاڤا نیوز

 

لە لێدوانێکی تایبەتدا کۆشکی سپی هۆکاری پشت کەمکردنەوەی کارمەندانی ئەمریکای لە بەغدا بۆ ئاڤا میدیا ئاشکرا کرد.

 

وێنە گەورەکە: ئەمریکا بڕیاریدا ژمارەی کارمەندانی لە بەغدا و چەند باڵیۆزخانەیەکی دیکەی لە ڕۆژهەڵاتی ناوەڕاست کەم بکاتەوە.

 

لێدوانی فەرمی: ئانا کێلی، جێگری سکرتێری ڕۆژنامەوانی کۆشکی سپی بە ئاڤا میدیای ڕاگەیاند: وەزارەتی دەرەوە بە بەردەوامی پێداچوونەوە بە کارمەندانی ئەمریکی دەکات لە دەرەوەی وڵات و ئەم بڕیارەش لە ئەنجامی پێداچوونەوەیەکی ئەم دواییە دراوە.

 

لەلایەکی دیکەوە: بەرپرسێکی دیکەی کۆشکی سپی کە نەیویستووە ناوەکەی ئاشکرا بکرێت بە ئاڤا میدیای ڕاگەیاند: سەرۆک ترەمپ ئاگاداری پڕۆسەی کەمکردنەوەی کارمەندانی ئەمریکایە لە بەغدا.