سبەی لە ئیدارەی زاخۆ پشووی فەرمییە

ئاڤا نیوز

 

بەهۆی بارانبارین و کۆبوونەوەی ئاو، سبەی لە سەرجەم دامودەزگاکانی ئیدارەی زاخۆ، پشووی فەرمییە و تیمەکانیش لە ئامادەباشیدا دەبن.

 

ڕاگەیێنراوی فەرمی: ئیدارەی سەربەخۆی زاخۆ ڕایگەیاند: "بە بڕیاری گوهدار شێخۆ، سەرپەرشتیاری ئیدارەی زاخۆ، بەهۆی بارانبارینی زۆر و کۆبوونەوەی ئاو لە سنوورەکە، سبەی چوارشەممە 20-3-2024، لە سەرجەم دامودەزگاکانی زاخۆ کرایە پشوو".

 

زانیاریی زیاتر: پشووەکە دامودەزگا خزمەتگوزاریی و ئەمنییەکان ناگرێتەوە، تیمەکانیش بۆ هەر دۆخێک، لەئامادەباشیدا دەبن.

 

لەلایەکی دیکەوە: هەر ئەمشەو عەلی تەتەر، پارێزگاری دهۆك ڕایگەیاند، لەبەر بارانبارین و لەپێناو سەلامەتیی دانیشتووانی پارێزگاكە، سبەی لە پارێزگای دهۆك پشووە.