دوو لە مووشەكەكانی ئیسرائیل لە خاكی عێراق دەكەونە خوارەوە

ئاڤا نیوز

 

دوو مووشەكی ئیسرائیلی لە باشووری پارێزگای زیقاڕ كەوتوونەتە خوارەوە، كە بەشێكن لەو هێرشە مووشەكییەی تەلئەڤیڤ بۆ سەر ئێران كە لەلایەن سیستمی بەرگریی ئاسمانی ئێران ڕێگرییان لێ كراوە.

 

چیرۆكی سەرەكی: ئیسرائیل بەرەبەیانی ئەمڕۆ هەینی هێرشێكی فراوانی ئاسمانی بۆ سەر ئێران دەستپێكرد و دەیان شوێنی ستراتیژی و كەسایەتی سەربازی و زانای ئەتۆمی لە چەند ناوچەیەكی ئەو وڵاتە كردە ئامانج، لەبەرامبەردا ئێران دەیان هێرشی درۆنی و مووشەكی بۆ سەر تەل ئەڤیڤ دەستپێكرد.

 

ڕاگەیێنراوی فەرمی: سەرچاوەیەكی ئەمنی لە پارێزگای زیقاڕ ڕایگەیاند، دوو مووشەكی ئیسرائیلی، لە دەروازەی ناحیەی ئەلجەبیش كەوتوونەتە خوارەوە، كە بەیانی ئەمڕۆ لەلایەن سیستمی بەرگریی ئاسمانیی ئێرانەوە بەرپەرچ دراونەتەوە.

 

بەگوێرەی گرتە ڤیدیۆییەكان كە لەلایەن میدیا عێراقییەكانەوە بڵاوكراونەتەوە، ئەو دوو مووشەكە چاڵێكی گەورەیان بە قووڵاتی دوو مەتر لە زەویدا دروستكردوو.

 

زانیاریی زیاتر: هاوكات تانكێكی پڕ لە تەقەمەنی لە زەوییەكی كشتوكاڵی ناوچەی ئەلعەبایج لە باشووری بەغدا  دۆزراوەتەوە كە پێدەچێت لەنێو یەكێك لە دوو مووشەكەكە كەوتبێتە خوارەوە.