چوارچێوەی هەماهەنگی لەبارەی جەنگی ئیسرائیل و ئێران بەپەلە کۆ دەبێتەوە

ئاڤا نیوز

دوای پەرەسەندنی ئاڵۆزییەکانی ناوچەکە و هێرشی ئاسمانیی ئێران بۆ سەر ئیسرائیل، هاوپەیمانیی چوارچێوەی هەماهەنگی کۆبوونەوەیەکی بەپەلە دەبەستێت.

لێدوانی فەرمی: سەرچاوەیەکی ئاگادار لە کۆبوونەوەکە بە ئاڤا میدیای ڕاگەیاند: لە ئێستادا کۆبوونەوەیەکی بەپەلەی سەرکردەکانی چوارچێوەی هەماهەنگی بە ئامادەبوونی محەممەد شیاع سوودانی، سەرۆکوەزیرانی عێراق بەڕێوەدەچێت.

زانیاریی زیاتر: مەبەست لە کۆبوونەوەکە، تاوتوێکردنی کاردانەوەکانی شەڕی ڕاستەوخۆی نێوان ئێران و ئیسرائیل و مەترسییەکانیەتی بۆ سەر ئاسایش و سەقامگیریی عێراقە.

ئەم کۆبوونەوە نائاساییەی سەرکردەکانی شیعە لە کاتێکدایە، عێراق ئاسمانەکانی لەبەردەم گەشتی فڕۆکەوانی ڕاگرتووە و لە بەغدا دژی بۆردوومانی ئێران و بەکارهێنانی ئاسمانی عێراق لە هێرشەکەدا لە لایەن ئیسرائیلەوە خۆپیشاندان بەڕێوەچوو.

ئەمەش بزانە: کەتیبەکانی حیزبوڵڵای عێراقی و بزووتنەوەی نوجەبا کە دوو گرووپی چەکداریی عێراقین، داوایان لە حکومەتی عێراق کردووە هێزەکانی ئەمریکا لە عێراق دەربکات چونکە، ڕێگەی خۆشکردووە ئیسرائیل ئاسمانی عێراق بۆ هێرشەکەی بەکاربێنێت.