ترەمپ: هەموو شتێکم دەربارەی هێرشەکەی ئیسرائیل دەزانی

ئاڤا نیوز

دواجار ئیسرائیل هێرشە بەرفروانەکەی بۆ سەر ئێران دەستپێکرد کە ماوەی مانگێکە هەڕەشەی ئەم هێرشەی دەکات، سەرۆکی ئەمریکاش ئاشکرای دەکات، خۆی و تیمەکەی ئاگاداری هەموو شتێک بوون.

 

چیرۆکی سەرەکی: بەرەبەیانی ڕۆژی هەینی سوپای ئیسرائیل ‌هێرشێکی فراوانی بۆ سەر خاکی ئێران دەستپێکرد و لە ئەنجامدا چەندین سەرکردەی باڵای سەربازی وڵاتەکە کوژران، لەهەمان ڕۆژدا ئێران بە مووشەک وەڵامی هێرشەکەی دایەوە، بەهۆی وەڵامدانەوەی ئێران ئیسرائیل هێرشەکەی بۆ سەر خاکی ئێران دەستپێکردەوە.

 

لێدوانی فەرمی: دۆناڵد ترەمپ سەرۆکی ئەمریکا لە چاوپێکەوتنێکدا بە ئاژانسی  ڕۆیتەرز ڕاگەیاند، من و تیمەکەم زانیویمانە هێرشەکان دەستپێدەکات، منیش هەوڵمدا ئێران لە مردن ڕزگار بکەم، چونکە زۆرم پێ خۆش بوو لەگەڵیان بکەمە ڕێککەوتن، بەڵام هێشتا دەتوانن ڕێککەوتن بکەن درەنگ نییە.

 

کاریگەری و لێکەوتەکان: ئەم هێرشەی ئیسرائیل لە کاتێکدایە، ترەمپ چەندین جار هۆشداری بە بنیامین ناتانیاهۆ، سەرۆکوەزیرانی ئیسرائیل دا کە هێرشەکەی لەم کاتەدا ئەنجام نەدات.